Pinaagi sa text

Dear Tita Salie,

Have a wonderful day. My name is Chellie. Aduna koy live-in partner. My problem is about my sitwasyon karon.

Nakauyab man gud ko pinaagi sa text, Tita Salie. Medyo dugaydugay gyod mi nga textmate ug dihang nanguyab siya nako ako siyang gisugot.

Unya nagsabot mi, Tita Salie, nga magkita sa usa ka dapit. Ug duna gyu’y nahitabo tali kanamong duha nga wala gyud masayod niini ang akong live-in partner.

Ang problema nako karon kay nabuntis ko ug ang akong uyab ang amahan. Pero unsaon man nako niini nga dili naman motubag sa selpon ang akong uyab. Ako untang ipakuha ang akong gisabak pero mahadlok man pud ko nga dunay mahitabo nako.  Unsa may akong buhaton? Palihug pasabta ko, Tita Salie. Thank you very much.

* * *

Good day. Ingon ba gyud niini ang nature sa mga tawo, nga imbes nga wala’y problema ang kinabuhi maayo gyud kitang mobuhat og mga butang nga maoy maghatag og kagubot sa atong hunahuna ug kun muabot ang problema anha na kita mataranta. Kinahanglan ba gyud nga ang tawo maghimo gyud og problema?

Linaw unta kaayo ang inyong pagpuyo. Pero nganong imo man gyud nga gituyoan nga sa sinugdan pa nasayod na man ka nga sayop gyud ang imong pagabuhaton. Hinaut unta nga ang imong sitwasyon karon makuhaan og pagtulon-an alang sa uban.

Tataw kaayo nga gikalingawan ka lang sa maong lalaki. Busa, since anaa na man kana, ipadayon na lang ang pag-amuma sa bata. Since imo kanang gituyoan kinahanglan nimong atubangon ang mamahimong sangputanan. Ayaw gyud ipakuha ang imong gisabak kay makadaot kini kanimo. Mag-ampo lang permi nga dili unta masayran sa imong partner nga dili siya ang amahan sa imong gisabak. Apan kinahanglan gyud ka nga mangayo og pasaylo sa Diyos kay sala gyud ang imong gihimo. -- Tita Salie