Gusto na og peace

Dear Tita Salie,

Hi! Good day. Tawga lang ko sa pangan nga December. Actually, dili man kaayo dako ang akong problema, Tita Salie. Pero nagkinahanglan lang gihapon ko sa imong inigsuon nga tambag.

Duna man gud ko’y close nga friend tagoon lang nato siya sa name nga Hanz. Suod gyud kaayo mi nga higala, Tita Salie, but karon lang bag-ohay nag-away mi ni Hanz ug wala na mi tingganay.

Naanugnan ko sa among friendship, Tita Salie, busa nakahunahuna ko nga magbalik na mi, nga mobalik ang among friendship. Gusto na ko makig-peace kaniya pero wala ko masayod kun unsaon. Unsa may angay kong buhaton, Tita Salie? Please pasabta ko. Thanks.

* * *

Hi December,

Natural lamang sa managhigala ang usahay dili magkasinabot ug mag-away. Aduna man gud kitay lain-lain nga prinsipyo ug baroganan ug managlahi ang atong hilig ug gusto mao nga usahay dunay conflict. Apan dili usab maayo nga kun dunay away ato kining padugayon ug dili mahusay nga maguba gyud niini ang atong friendship, tungod sa garbo nga taas kaayo.

Kun magkasugat mo o magkita mo angay ikaw ang unang motagad ug ayaw huwata nga siya ang mouna pagtagad kanimo kay basin dili niya kini buhaton. Kun aduna kay cell number niya pwede nimo siyang teksan. Mas maayo nga ikaw ang mouna pagpangita og paagi aron mabalik ang inyong maayong pagtinagdanay. Ug ayaw itugot nga maghari ang garbo sa imong galamhan kay tungod niini kanunay gyong bug-at ang imong dughan. --Tita Salie