Gugma sa Bol-anon
Gula 6
Gihapit ni Martin si Agnes didto sa iyang opisina. “Maayo kay gipahuwam ka sa imong amigo niining kotse. Nindot pa raba kaayo ning awtoha no?†matud sa news reporter. Wala motingog si Martin ug igo lang mipahiyom.
Mihunong si Martin sa usa ka tindahan. “Mopalit diay usa ko og cube ice ug softdrinks ma’am kay nagdala man ko og ice box,†ni Martin pa. Bugnaw kaayo ang aircon sa awto.
May papeles nga diha sa dasbord sa kotse. Pagtoo ni Agnes nga kabahin kini sa kaso nga giimbistigar sa iyang boyfriend. Iyang gilingi og tua pa sulod sa tindahan si Martin.
Gidali pagkuha ni Agnes ang papeles ug gitan-aw. Apan dili diay kini report kun dili usa ka Deed of Sale. Misiga ang mga mata ni Agnes kay nakita niya sa dukomento nga papeles kini nga ang awto nga ilang gisakyan gipalit sa usa ka Agnes Sarmiento.
Gikulbaan siya kaayo kay susama kaniya og ngalan. Gitan-aw niya ang petsa sa Deed of Sale. Karong adlawa ang petsa sa maong dukomento. Naglibog pag-ayo si Agnes kabahin sa papeles nga iyang nakita.
Wala na gani siya makabantay nga mibalik na diay si Martin sa kotse. “Uy hala, imo man diay’ng nabasahan ang dukomento,†matud sa polis. Nakalitan si Agnes nga wala dayon makatubag.
“Pasabta ko Martin, nganong pareho nako og ngalan ang tag-iya niining maong awto?†gisukna sa news reporter ang boyfriend niya nga polis. Mipahiyom si Martin nga mipaandar sa kotse ug mihinay sa pagpadagan.
“Ang tinuod, wala nako huwami kining maong kotse, gipalit nako kini karon lang adlawa ug gibutang nako sa imong ngalan ang tag-iya. Ako pa kini nga iparehestro sa imong ngalan Agnes,†matud ni Martin.
Miiknat ang kilay sa news reporter. “Apan nganong imo man kining gibuhat?†pangutana ni Agnes. Mipahiyom si Martin. “Nabasahan nako sa Facebook nga birthday ‘sab diay nimo karong Sabado, ug kini maoy akong gift kanimo,†ni Martin pa.
Pwerteng lipaya ni Agnes ug nagakus niya si Martin. “Ayaw, ayaw usa ko’g gaksa kay mabangga ta. Unya ra inig-abot nato sa beach,†matud sa polis.
“Gusto ko nga malipay ka sa imong birthday mahal,†dugang pamahayag ni Martin. Misulod na sila sa beach resort sa Compostela nga adto sila mag-night swimming.
Pagkanaug ni Agnes sa kotse, naglibotlibot siya niini ug giusisa pag-ayo ang sakyanan. “Walay sukod sa akong kalipay Mar nga gihatagan nimo og advance birthday gift,†matud ni Agnes. Masabut sa tinan-awan ni Agnes nga misamot ang iyang pagmahal kang Martin. - Sumpayan
- Latest
