Ang callboy Gula 7

Gitagbaw pag-ayo ni Mariano ang matrona niya nga kustomer. Nakatabang gayud ang gihatag ni Elmer kaniya nga tambal aron molahutay siya’g dugay sa ilang kumbati.

May bayranan hinoon siya nga P80 ngadto ni Elmer nga maoy kantidad sa tambal nga iyang giinum. “Grabe ka man diay kaayo Mar. Gikan karon kita na ang partner, dili na ko mopik-ap ni Elmer, puol na kaayo siya,” ni Fe Marie.

Gitunolan si Mariano og P3,000 ni Fe Marie. Misiga ang mga mata sa Bol-anon nga gidak-an na sa iyang nadawat. “Salamat kaayo Ma’am ha?” ni Mariano pa. “Tawga na lang ko’g Fem,” sa matrona pa. Gibalik ni Fe Marie si Mariano didto sa downtown. Wala niya makita si Elmer sa sagad niya tindogan nga nagpasabot nga naka-kustomer ‘sab ang iyang amigo.

Samtang nagbarug daplin sa karsada nga nagpaabot ni Elmer, dunay mitindog tupad kang Mariano. “Hi.. pwede ba’g manglakaw ta?” giingnan si Mariano sa babaye. Igo lang siya miyango ug ang babaye na ang mipara’g taksi.

Walay tingog-tingog ang babaye samtang sila nagsakay sa taksi. Wala masayud si Mariano unsa kadtong lugar nga gisulti sa babaye ngadto sa drayber nga ilang adtoan.

Didto gihapon sila misangko sa motel. Wala gayud siya masayop nga gusto na usab og kalipay ang babaye. Hinoon, aktibo pa ang tambal nga iyang nainum.

Bisan ikaduha pa kini nga babaye nga mikuha kang Mariano apan daw naanad na siya. Giarangkada dayon niya ang babaye ug gipatilaw sa kalalim sa iyang romansa.

Nahuna-huna ni Mariano nga kun mohatag ang babaye kaniya ug susama nga kantidad sa gihatag ni Fe Marie, tabla pay presidente og kompaniya ang iyang sweldo ning gabhiona.

Bisan unsa na lang ang gihimo ni Mariano aron malipay ang babaye  kaniya ug wala gayud siya mosipyat. Human sa ilang kumbati, lima ka tagsa ka libo ang gitunol kaniya.

Gikan sa motel wala na sila magkuyog ug ang babaye sa Colon. “Bai Mar, dugay ka man nga nakabalik?” ni Elmer pa.

Nagpahiyom si Mariano. “Tana bai, mangaon usa ta og mag-inum kadiyot, giswerte ko karong gabhiona bai, nakaduha na ko ka kustomer.”

“Tambag nako bai, tigum g’yud ta sa kwarta kay basin og moabot ang higayon nga masakit ta kay lainlaing babaye ang atong maagian,” matud ni Elmer.

Nakahinuktok si Mariano apan bug-os ang iyang huna-huna nga magpabilin usa siya pagka callboy sa dili pa mangita’g nindot nga trabaho.

Usa ka hapon, nagbarug na ‘sab si Mariano sa Colon. May mihunong nga kotse sa iyang atubangan. Si Fe Marie ang sakay. “Gusto ko Mar nga moundang ka na pagka callboy mentras sayo pa. Patrabahoon ko ikaw sa akong kompaniya.” - Kataposan