Ang callboy - Gula 4

Daw misanting ang kalawasan ni Mariano samtang padayong nagtan-aw sa sex video nga gipakita kaniya ni Elmer. Nakumbinsir gyud si Mariano nga mag-callboy na lang ‘sab siya sama sa iyang bag-ong higala.

“Tudloi ko’g unsay maayong buhaton bai Elmer, mouban ko nimo unyang hapon sa pagpangulboy sa Colon,” giingnan ni Mariano ang iyang higala human kini mibalik sa iyang nahimutangan gikang naligo.

Mipahiyom si Elmer nga nakadungog ni Mariano. “Abi nimo bai Mar, basta bag-o gani nga callboy mora’g hot cake nga kusogan kaayo sa mga matrona. Siguroa lang gyud bai Mar nga maayo ka nga modala og kumbati sa kama ngadto sa mga matrona,” matud ni Elmer. Gitiman-an pag-ayo ni Mariano kadtong mga steps sa iyang nakita sa sex video. “Pila may bayad bugti sa atong serbisyo bai Elmer?” pangutana ni Mariano nga daw naghinam-hinam na sa iyang sudlan nga trabaho.

“Tambag nako nimo nga ayaw dayon pagbungat og presyo, agda lang ang imong mga kustomer. Basta kay kun makagusto sila sa imong serbisyo sigurado ko nga mohatag sila’g dagko,” matud ni Elmer.

Sa sawog ra natulog si Mariano kay dili man sila maarang sa single bed ni Elmer. “Antos lang usa bay Mar, kun makakuwarta ka na, makakita ka ra og nindot nimo nga kaestahan,” dugang ni Elmer. Wala dayon makatulog si Mariano. Naghuna-huna siya sa iyang pagasudlan nga panginabuhi dinhi sa dakbayan. Alang niya, nindot baya ‘sab ang callboy kay malipay ka unya kuwarta pa.

Kun tinuod nga dagko ang ihatag sa mga matrona nga malipay sa serbisyo sa usa ka callboy, alang ni Mariano nga bahala na’g luod ang pakigdulog og matrona dili niya igsapayan.

Pagkaugma, sayo nga nahigmata si Mariano. Migawas siya sa kuwarto nga giestaran ni Elmer. Naandan na nga tagdugay nga mobangon si Elmer sa buntag kay sagad lawom na nga gabii mahiuli.

Sa gawas sa kuwarto, dunay mga tawo nga nagpundok. Gitutokan siya sa maong mga tawo. Sigurado si Mariano nga siya ang gipanagsultihan sa grupo. Daw gibati’g kauwaw si Mariano mao nga mibalik siya’g sulod sa kwarto. Wala pa gihapon mobangon si Elmer ug gibati na’g kagutom si Mariano mao nga miadto siya sa tindahan nga gipundokan kaganina sa mga tawo. Mipalit siya’g biscuits nga iyang matambal sa kagutom.

Nagsige’g tutok kaniya ang hitsuraan nga tindera apan may pagka hamtong na’g gamay. “Kauban mo si Elmer?” gipangutana si Mariano sa tindera. Gitangdo ni Mariano ang tindera ug gitug-anan nga kagabii pa sila nagka-amigo si Elmer.

 â€œCallboy ‘sab diay ang imong trabaho?” matud sa tindera. - Sumpayan