Ang call boy

Nag-abang ra diay og usa ka kwarto si Elmer apan nakabantay si Mariano nga hitsas kini sa kagamitan. Gani sa ilang pagpangaon ni Elmer, may andam na nga canned goods nga ilang gisud-an.

“Ayaw kaikog Mar ha, kay ingon usab ako kanimo kaniadto dihang wala dayon ko makakita’g trabaho pag-anhi nako sa dakbayan,” matud ni Elmer. Nawala na lang ‘sab ang kaikog ni Mariano ngadto ni Elmer nga mahigalaon kaayo kini ngadto kaniya.

Gisaysayan siya ni Elmer sa trabaho niya pagka callboy. Nasayran ni Mariano nga usahay maka-jackpot ‘sab si Elmer kun adunay mga matrona nga mokuha kaniya ug mohatag og daku-daku nga kantidad bugti sa kalipay nga iyang nahatag.

“Mao na nga kun maka-kustomer gani kaming mga callboy bai Mariano, taman sa ginhawa namo ang pagpaninguha nga malipay gayud ang among kustomer aron mobalik ug mangita namo,” matud ni Elmer.

May hitsura usab si Elmer mao nga daghang mga matrona nga mokuha kaniya. “Panagway nako bai Mar maoy usa sa akong puhonan apan ang abilidad g’yud sa kama maoy mahinungdanon,” giingnan ni Elmer si Mariano.

Nasayran ni Mariano nga daghan diay’ng callboy nga nag-operate sa downtown area sa dakbayan sa Sugbo ug usa lang si Elmer kanila. “Ikaw bai Mar, tan-aw nako pwede ka nga mag-callboy, ayaw kauwaw tungod kay daku ang kwarta nga makuha nimo kun itandi sa ordinaryo nga trabaho,” matud ni Elmer.

“Apan taga probinsya ko bai ug walay hibangkaagan sa paglipay’g babaye,” giingnan ni Mariano ang iyang higala. “No problem bai Mar, karong taud-taud inighuman nato og kaon, patan-awon tika og salida aron makat-on ka,” ni Elmer pa.

Tuod human sa ilang pagpangaon, giandam ni Elmer ang DVD player nga diha ibabaw sa lamesa tupad sa TV set. Dunay gikuha si Elmer nga disc nga gitungtong ibabaw sa TV set. Pagsugod na sa salida, nakurat ang probinsyano nga si Mariano kay sex scene maoy iyang nakita.

“Hala! Sex video man diay ni bai Elmer,” matud ni Mariano. “Tan-awa ang mga steps kun giunsa sa lalaki ang paglipay sa babaye bai kay kun imo kanang sundon, sigurado ko nga magpangita nimo ang imong kustomer.

“Biyaan ko usa ka bai ha, maligo lang ko sa banyo,” matud ni Elmer. Nakasabot na si Mariano sa trabaho ni Elmer. Gihuna-huna niya kun angay ba siya nga mosundog sa  trabaho sa bag-o niya’ng higala. Apan nahuna-huna ni Mariano nga kun mosugot siya nga mag-callboy, mahisama siya kang Elmer nga wala na magkalisud-lisud. - Sumpayan