Singing hiker
Usa ka tuig na si Fiona nga silbedora sa videokehan sa iyang uyoan nga si Roger usa ka retirado nga pulis. Magabii iyang trabaho. Gikan sa alas sayis sa gabii hangtud sa alas sayis sa buntag. Naanad na lang siya nga gabii ang trabaho. Maadlaw ang ikatulog. Kasagarang mga adlaw nga daghang customer. Miyerkules sa gabii ngadto sa Sabado sa gabii. Nihit ang customer sugod Domingo’s gabii, Lunes ngadto sa Martes sa gabii.
Kasagarang mga customers magbuntag hangtud sa alas singko. Apan may molahutay hangtud gyud sa pagsira sa alas sayis sa buntag.
Lunes aron. Alas singko y medya sa buntag. Nagsiga pa ang screen sa videoke. Nag-ingon “Select a Song†Di man gyud pagngon ni Fiona kun di mo alas sayis.
“Miss, hapit na man gyud mo manira, puwede pa ko mokanta?†sa tawo nga nihawong sa pultahan.
Nagsul-ob og short pants nga maong. Nagkawo og baseball cap nga pula. Nagsul-ob og T-shirt nga puti. Nagsapatos og guma. Namay-ongan ni Fiona ang tawo. Mga usa ka tuig na sab ni siyang nag-hike nga molabay sa videokehan. Unya molingi gyud siya sa sulod sa videokehan. Motan-aw kun daghan bag customer. Dugay na gyud tingale siyang kakantahon.
“Puwede kaayo, sir,†ni Fiona nga nitunol dayon sa song book. Gidawat sa tawo ug nipakli dayon.
Gi-sir lang ni Fiona bsia’g batabata pa ang tawo. Mora’g trayenta kapin ang hitsura. Kay giseminar man gyud siya sa iyang uyoan kun unsaon pagtratar ang customer. Tahuron aron mahimuot nga mogasto’g kanta ug ilimnon.
“Pagkatinuod, miss, song therapy ning akong buhaton. Nag-exercise na ko’g lakaw kada adlaw. Unya gusto sab kong ma-exercised akong baga. Kay ang kanta exercise man kono sa baga. Unya nindot akong bation kun makakanta ko†sa tawo.
“Sige na, sir. Kanta na. Basi’g abtan kas closing time†ni Fiona nagbarog kilid sa lamesa mga lima ka dupa atubangan sa videoke.
“Di kaha ka pul-an nakong maminaw unya? Kada buntag, kun mingaw inyong videokehan, wa kaayo’y manganta, mokanta ko’g usa ka kanta. Dangtag tuig, pila na man na ka kanta? Tres siyentos sayisinta god ka adlaw ang usa ka tuig. Magsugod ko’g kanta sa letrang A sa song book. Talairon nako’g kanta†sa tawo.
“Pili nag kanta†ni Fiona. Mapahiyomon.
“Kining numeroha 4344†sa tawo huma’g pakli sa song book.
Nikuot og coin nga singko pesos sa tuong bulsa sa short pants. Nitunol sa coin ngadtong Fiona. Gipindot dayon niya ang numero. Nisalida sa screen ang awit nga “After The Lovinâ€. Gitunol niya ang mikropono. Gidawat sa tawo. Nikanta siya. Tibook kaayo’g tingog. Daw di katoo si Fiona. Mora’g professional singer ang tawo. Nindot pas orihinal iyang tingog. Unya daghang nanuol nga tawo tungod sa pultahan. Gustong mosusi kun kinsa ang nagkanta. May nana’g hike niurong sa tungod. May nanag-jogging naminaw. Mga estambay sa duol, nanuol.
Pagkahuman sa tawo’g kanta, namakpak ang mga nanan-aw. Nakapakpak sab si Fiona.
“Salamat†sa tawo dayong uli sa mikropono ngadtong Fiona.
“Usbi pa, sir†ni Fiona.
“Ugma na sab. Kay kinahanglan, alas sayis makauli na ko. Duna ko’y ihatud sa eskuylahan kada buntag†sa tawo. Mapahiyomon. Nigawas.
“Kinsa man tong tawhana, Fion?†ni Celsa nga tindera sa panaderya tupad sa videokihan.
“Wa ko kaila. Apan molabay gyud to siya dinhi kada buntag kun mag-hike. Karon pa nisuway og kanta,†ni Fiona.
“Ah tawgon ta lang to siya’g Singing Hiker. Dili local og tingog†ni Celsa.
“Sakto ka. Basin pag tinooron niya nga mokanta siya kada adlaw, kun mingaw ang videokehan sama karon†ni Fiona.
Pero nagduda siya nga undercover pulis tong tawhana. Basi’g dunay gipaniiran. Panid-an lang sab unya niya inig balik. (Katapusan)
- Latest
