Kanunay gisungog

Dear Tita Salie,

Have a nice day Tita. Just call  me Lourdes 15 years old, and my problem is about this guy nga kalit lang nausab ang tinagdan diri nako. Nasayangan man gud ko kay love na man nako siya.

Kining maong lalaki dugay nang niingon kanako nga love kuno ko niya. Ug ang among mga teachers sa school kanunay ko nga gisungog-sungog kaniya. Tungod seguro sa sungog-sungog nila, Tita, nahimo ko na hinuon siyang crush. Mora og ganahan na kaayo ko niya.

One time niduol siya kanako ug iya kong gipangutana kun ganahan ba ko niya ug kun mosugot ba kuno ko nga uyab na mi ako siyang gitubag nga dili ko mosugot bisan pa man kun crush nako siya.

Karon, Tita, nga 4th year nako akong na-noticed nga mora og na change na siya. Dili na siya motagad kanako ug mora og wala na siya’y feelings nako. Na-sad ko, Tita, kay kun kanus-a ganahan nako niya mora og nalayo na man siya kanako. Buotan baya kaayo siya, Tita.

Unsa may akong buhaton? Palihog pasabta ko. Thank you so much and more power to your page.

* * *

Dear Lourdes.

Ang imong nakit-an nga kausaban sa imong crush nagtimaan nga dili siya seryoso sa iyang gibati diha kanimo tungod kay dali ra kaayo siyang ni-surrender ug wala niya gipadayon ang iyang pagsamoksamok diha kanimo. Kay kun tinuod pa ang iyang gugma andam gyod siyang magpaabot kanimo bisan kanus-a. Dili siya maapektohan bisan kada adlaw pa nimo siyang balibaran.

Ang iyang pagkausab dako kaayo kini og tabang alang kanimo. Kay dili ka na man unya maghunahuna kaniya. Ug mao na lang unyay imong bugtong hunahunaon ang kalamposan sa imong pagtuon.

Mas maayo seguro nga dili ka una makigrelasyon. Mas maayo seguro kun maoy imong hatagan og hustong pagtagad ang imong pagtuon. Kay abi gud nimo, lisod ang pag-eskuyla kun college na ka, ug mas mosamot pa gyod kini kun imo pang apilan og gugma-gugma.

Gituyo seguro sa kahigayonan nga mo-surrender siya. Tungod kay dili na gyod karon ang hustong panahon alang sa gugma. Just imagine nga mao pa lay i-graduate nimo sa high school, buot ipasabot niini nga bata pa gyod ka.

Pero ayaw kabalaka, my dear, kay kun kamo gyong duha ang gitakda nga magminahalay, mobalik gyod siya ug ang imong gugma. Mangita gyod og paagi ang kahigayonan aron ang duha ka pagbati dunay padulngan. -- Tita Salie