Bar dancer - Gula 3

“Walay problema na’ng imong gihangyo nako Joan, basta mo-oki ka lang ‘sab sa akong ihangyo nimo,” giingnan ni Philip ang bar dancer. Dali ra kaayo nga nakasabot si Joan kun unsay gustong ipasabot ni Philip kaniya.

Mibiya dayon si Philip sa kwarto nga nahimutangan ni Joan ug giadto niya  ang amigo niya nga usa sa mga imbistigador sa kapolisan. Gihangyo ni Philip ang higala niya nga polis ug gihangyo nga i-deyt usa niya ang dinakpan nga dancer.

Mingisi ang polis nga amigo ni Philip. “Bantayi ha basin makaikyas unya. Didto ra mo sa akong gamay’ng kwarto sa taas,” matud sa polis nga mitunol kaniya sa yawe ug mitudlo sa taas sa building nga gigamit nga quarters sa mga polis.

Nagpasalamat si Philip sa higala niya nga polis ug nagdali nga mibalik sa investigating room nga nahimutangan sa dinakpan nga dancer. “Tana, oki na ang amigo nako nga polis,” giingnan ni Philip ang dancer nga si Joan.

Una nga migawas si Philip sa kwarto ug misunod kaniya si Joan. Hapit na motungang gabii ug mingaw na ang kampo. Nakabiya na ang team sa City Hall nga midakop ni Joan ug sa floor manager nga tua gitanggong sa prisohan.

Paspas kaayo ang paglakaw ni Philip tabok sa building nga tua mahimutang ang kwarto sa higala niya nga polis. Gilingi ni Philip si Joan ug iyang nakita nga nagsunod kaniya ang dalaga. Hinay ang mga tunob nila ni Philip ug Joan. Nabalaka sila nga makamata unya ang ubang polis nga nangatulog na sa ilang mga kwarto.

Gipangita ni Philip ang Room 7 nga maoy giingon sa amigo niya nga polis. Tuod, nakita niya ang kwarto dapit sa kinadaplinan. Hinay nga gibuksan ni Philip ang pultahan ug nanulod dayon sila si Joan.

Kulba-hinam kaayo ang ilang sitwasyon. Kaganina, ang dancer nga si Joan gitan-aw pa niya nga didto nag-ibid-ibid sa tawo nga upawon na ang buhok ug naglaway lang si Philip apan karon anaa na kaniya ang dancer.

Misulod sila ug gipasiga ang suga sa kwarto. Igo-igo lang ang gidak-on sa kwarto ug nasabtan ni Philip nga dunay polis nga natulog sa kasikbit nga lawak. Iyang gisinyasan si Joan nga dili maghimo’g kasaba aron dili sila mamat-an.

Gihukas ni Philip ang iyang sapatos, dayon ang iyang T-shirt. Wala na magpaabot si Joan nga si Philip pa ang moingon nga ipahukas ang iyang sapot. Gihukas na usab ni Philip ang iyang karsones ug ingon usab niini ang gihimo ni Joan.

Gipawong ni Philip ang suga sa kwarto apan misulod gihapon ang dan-ag nga gikan sa suga sa gawas. - Sumpayan