Maria Magdalena

Gula 224

“Duna koy bad news kanimo Maria. Apan mamahimo usab kining good news,” nagkanayon si Neggar.

Ngano man diay?” Matud ko.

“Duna pay lain nga mga seminar ug training nga akong tambongan pagbalik. Ug medyo dugay-dugay kini. Tulo ka bulan kong malayo nimo, Maria,” ni Neggar pa. “Ang good news niini mao nga dako ang akong makuwarta tungod kay sibo sa gawas ang akong suweldo samtang tua ko didto. Kun tua na unya ko sa gawas, mas maayo tingaling mokuha ka’g helper aron dili ka mahago sa mga bulohaton sa balay ug may kauban ka sa pagpuyo dinhi.”

“Wa na kinahanglana ang helper, Neggar,” giingnan ko siya. “Makahimo ko sa mga bulohaton sa balay.”

“Pero gusto kong may kauban ka dinhi. Aron ba dili ka ma-bored.”

“Ayaw kabalaka. Ako nay bahala ana. Mosugot ka man kaha nga mogawas ko panagsa?”

“Aw, oo, uy. No problem, Maria.”

Wala na ipamugos ni Neggar kanako ang iyang plano pagkuha og helper. Gitahod niya ang akong desisyon.

“Maayo tingali’g magtuon ka’g drive aron makagamit ka sa sakyanan,” mipalain og hilisgotanan si Neggar.

“Maayo nang ideyaha,” nako pa. “Interesado ko ana pero kinsa man ang motudlo nako? Kinahanglan pa bang mo-eskuyla ko bahin ana?” -- Sumpayan pa