As a friend lang

Dear Tita Salie,

Have a nice day. Kanunay gyod ko mobasa sa imong column ang pasabta ko ug sikat kaayo ka diri sa among lugar.

Just call me Mr. Simple, 17 years of age, ulitawo. Naa ko’y problema, Tita, ug this is about a particular girl nga akong naibgan. Ang maong babaye amiga kaayo sa akong ig-agaw. Hangtud nga ako gyod siyang naila-ila.

Nalipay kaayo ko tungod kay nagka-amiga na man ming duha busa dili nako maglisod pagduol kaniya. Then, one time ako siyang gi-invite nga manuroy  ug miuban siya nako. Ug didto ako dayon siyang gipanguyaban  ug gidigahan sa akong gugma. Pero wala man ko niya sugta, Tita, kay matud niya friend lang daw mi. Ganahan siya nga dili mi mag-uyab but as a friend lang ang among relasyon.

Pero bisan pa man niini wala ko mawad-i og paglaum tungod kay maayo man siya nako. Busa padayon gihapon ang akong pagpanguyab kaniya. Apan everytime nga ako siyang pangutan-on, wala gyod mausab ang iyang tubag kanako, “friend lang gud ta” ang kanunay nakong madungog.

Nahurot na nako og gamit ang akong nahibaw-an nga diskarte apan mao lang gihapon ang iyang tubag, Tita. Unsa may akong buhaton mopadayon pa ba ko ug mo-surrender na lang? Palihog pasabta ko. Thank you very much and God bless you always.

* * *

Good day. Ikaw ang mas nasayod sa tanan kun unsay buhaton. Kun imo pa ba kining ipadayon kun bisan hangtud karon as friend lang gihapon ang imong madawat nga tubag gikan kaniya. Magdepende kini kun unsa kadako sa imong gugma ngadto kaniya. Kun kaya nimong maghulat hangtud nga may uban kana.

Pero ayaw gyod kalimti, samtang magpaabot ka nga ang tawo mosulti dili kay sa baba lamang. As the saying goes actions speak louder than words.” Tan-awa ang iyang mga gestures o lihok samtang nakigkuyog ka kaniya o nakigsulti. Tingali kun gi-test ka lang niya kun hangtud asa kutob ang imong pasensya ug pag-antos alang kaniya. Apan kun imo gyong makita nga wala gyod kay pag-asa mas maayo pa seguro kun mo-entertain ka og laing feelings ug laing babaye nga imong type kay tingali kun tua didto ang imong swerte.

Tingali kun wala gyod mopitik ang iyang kasingkasing diha kanimo ug ganahan siya nga naa ka isip iyang amigo. Busa kun feeling nimo nga wala gyo’y paglaom nga mahimong kamo, dawata na lang apan ayaw kasuko niya ug ayaw palayo aron dili siya mawad-an og amigo.

-- Tita Salie