Alumni homecoming

How do you want to be remembered ni Charles ngadtong Brando nga katupad niya’g lingkod sa ilang table assignment. Party karong gabii sa ilang alumni association nga gihimo sulod sa Sport Complex sa lungsod sa Aguingal.

Nakalugar sila‘g hinabi kay usa ka oras pa una sugdan ang kalihokan.

Unya wa pa mapuno ang mga lamesa sa mga alumni. Presidente si Brando sa alumni association sa ilang batch sa high school. Tuig 1972 ilang paggradwet. Unya, karon pa lang gyud si Charlie niapil sa maong reunion. Sobra 40 ka tuig na ang nakalabay.

Wa man gyud siya’y gana motambong kay luoy man kaayo ang mga dili successful nga mga classmates o school mates. Mahulog nga out of place sila. Kay ang maghangpanay ug magdayegay nga mga alumni, kadto ra mang mga succesful o datu na. Labi na nga dunay mag-indigay og pledge ugdagkong kantidad alang sa mga proyekto sa association. Diyes mil gud ang kinagamyang pledge. Ang kinadak-ang pledge P100,000 gikang Brando. Samtang ang registration fee nga P500, maglisod og abot ang mga pobreng alumni. Sakit na sa ilang bulsa ang maong kantidad.

Duna pa may mga alumni nga jobless. Kun dili gagmay kaayo’g kita (kay kun dili tindera la’g barbekyu, common laborer o ordinary worker ra sa mga opisina sa gobiyerno o pribadong establisamento) wa gyu’y kita. Napugos lang og tambong si Charlie kay naabogado gumikan sa kaugalingong paningkamot nga nag self-supporting student. Unya na-kliyente si Brando kay dunay kaso sa yuta, nga maoy specialty ni Charlie.

Mechanical Engineer si Brando ug presidente sa usa ka dakong kompaniya sa America sulod na sa bayente ka tuig. Wa na maglisod sa kuwarta. Naglisod hinuon og pangita’g paagi sa paggasto sa iyang kuwarta. Hapit na siya muabot og sayisinta ang pangidaron. Sama ni Charlie. May mga apo na sila.

“Naturally, I want to be remembered with love and admiration,” ni Brando.

Right. But from whom?, ni Charlie.

“From my family, friends and relatives,” ni Brando.

“What about from our poor classmates and schoolmates?,” ni Charlie.

“Of  course. They are our friends,” ni Brando.

“What help did they get from our alumni association?,” ni Charlie.

“I don’t know. Because in every homecoming or reunion, we are only partying and socializing,” ni Brando. Nakapanglab-ok og laway.

“Since I already joined a reunion, I want to suggest a new project for our association,” ni Charlie.

“What is that?,” ni Brando.

“We should put up an Anti-Povery Fund. The priority beneficiaries are our poor and unsuccessful fellow alumni. We want to help them financially. If not, at least, we offer scholarships for their children or whoever they recommend,” ni Charlie.

“Good idea!,”  ni Brando. Niginhawa’g lawom. Nipula ang mata. Nanglugmaw ang mga luha.

“What’s wrong,” ni Charlie. Nahibulong.

“Nalipay ko sa imong sugyot. Luha ni sa kalipay. Wa ko nagmahay nga gipugos tika’g patambong. Dugay na kong naghunahuna kun asa gyud nato idapat ang bulk sa kuwarta sa association. I’ll schedule a board meeting after this. To make a resolution about your suggested project,” ni Brando.

“Salamat”, ni Charlie.

“Kaniadto, ang atong association, sige man lang og tila og dagkong politiko. Your idea turned the association to the right direction,” dugang ni Brando. Mapahiyumon na.

Nag-high five sila. Naglamano. Ug naggakos. (Kataposan)