Andam og tagana
Nagkuyog si Delio ug Emoy pagpamisita kang Loida. Taudtaod na silang nagkaribal pagpangulitawo sa dalaga apan wa pa’y usa kanila ang nakaangkon sa gugma ni Loida. Nagpaabot pa ang dalaga sa ambot unsang higayon...!
“Sa suwertihon lang nato, bay Delio...!†Pasiuna ni Emoy kang Delio.
“No problem, bay Emoy, sa palaran lang natong duha...!†tubag ni Delio.
Samtang naglakaw ang duha ka ulitawo subay sa dalan nga gihabolan sa nagpirat nga kahayag sa poste niadtong gabhiona, may nakita si Emoy usa ka babaye nga nagbarug sa tulay. Nagtalikod...!
“Babaye, bay Delio..., paspasan ta paglakaw!†Agda ni Emoy nga hapit dagan ang lakaw.
Sa duol na ang tulay nga gibarugan sa babaye, misangpit si Emoy.
“Hi beautiful, lingi la’g diyutay...!†matud pa ni Emoy dala ang bugalbugal. Milingi kanila ang gisangpit nga babaye ug sa paglingi pa, nakita ni Emoy ang laksot nga dagway sa babaye. Misiwil ang bangkil...!
“Gaddemit, abat. Dagan, bay Delio, dagaaannnn...!â€
Misutoy pagdagan si Emoy balik sa agi. Si Delio nga nahabilin, nangandam sa dakung kaisog sa pagabuhaton sa abat. Miduol kang Delio ang gituhoang abat ug gikuha ang maskara. Nabantang ang lamurok nga dagway sa babaye.
“Uy Loida, ikaw ba diay...?†Mora’g nahuwasan sa kuyaw si Delio sa nakitang dagway ni Loida.
“Oo, Delio! Si Emoy talawan ug di siya angay sa akong pagtagad. Ikaw ug ang imong kaisug sa bisan unsang pagsuway sa kinabuhi maoy tawo nga haum sa akong pagsalig...!†Nagkanayon si Loida nga nangiyugpos samtang naggunit sa maskara. Misandig si Loida sa poste duol sa tulay ug misukna: “Ikaw Delio, nahigugma ka ba kanako...?â€
“Gisugal ko ang tanan alang sa dakung gugma ko kanimo, Loida...!â€
Gigakus si Loida ug sa dihang hagkan na unta ang aping sa dalaga, mibadlong si Loida:
“Ayaw Delio, di pa panahon...!†Medyo naulaw si Delio ug giluagan ang paggakus niya sa dalaga. Unya, wa dangti’g pila ka segundo, miagda si Loida.
“Tana Delio, sa balay ta magtiwas...!†Parayegong namulong si Loida nga migunit sa bukton ug mibaiid sa abaga ni Delio. Ug nanglakaw ang duha nga malipayon ilawom sa nagpirat nga kahayag sa poste human sa kahadlok. (Kataposan)
- Latest
