Maria Magdalena

Gula 206

“Tinud-anay ning ako, Maria. Di ko mo-offer nimo og kasal kun nagtiawtiaw lang ko.” Nahilom ko. Gihinuktokan ko ang gisulti ni Neggar.

“Naa na ko sa hustong edad, Maria,” gikan ni Neggar. “Gusto kong ikaw ang ikauban ko sa pagpuyo sa gipanag-iya kong balay didto sa Lapulapu. Gusto ko nga anaa ka kanunay sa balay sa matag uli nako gikan sa trabaho.

Very tempting ang gitanyag ni Neggar. Pero naglisod ko paghukom, kay dili pa ko andam magminyo pag-usab. Kontento ko sa akong kinabuhi nga bisan wala’y bana apan dili uhaw sa lawasnong kalipay kay naa man sila si Bob ug Neggar nga mopuno sa akong panginahanglan. Nganong magminyo pa man?

Kun sexual pleasure ray tinguhaon, dili na kinahanglang magminyo ko pag-usab. Matilawan ko ang maong kalipay bisan wala koy bana. Nasayod kong daghang mga lalaki ang interesado nako.

Hinuon, nagtuo ko nga adunay laing hinungdan--gawas sa sex-- ngano nga magminyo gyud ang tawo. Kini ang nasuta kong hinungdan nganong gusto gyud si Neggar nga magpakasal na kami.

Apan ang kaminyoon usa ka life-long commitment. Sa paghunahuna pa lang niini, mora’g dako na kining responsibilidad para nako. Maong naglisod ko paghukom sa gisulti ni Neggar kanako. Nahadlok kong dili na usab matuman ang akong panumpa diha sa altar sa kaminyoon.

“Mosugot ka ba, Maria sa akong gi-propose?” Misukna si Neggar taliwala sa akong kahilom. -- Sumpayan pa