Maria Magdalena Gula 201

Sa kadugayan, akong namatikdan nga inanay’ng nakombinser si Bob sa akong gisulti. Wala na siya manguti-kuti nako nahunong na ang iyang pangutana.

“Magkita ta ugma sa naandan natong tagboanan, Maria,” gihagawhaw ni Bob ang maong mga pulong. “Gimingaw na ko nimo.”

“Gimingaw o gihidlaw?” Gisukna ko siya.

“Pareho ra nang duha. Ang kamingaw ug kahidlaw usa ray tambal.”

Pagkaugma, gipakigkitaan gyud nako si Bob didto sa naandan namong tagboanan sa beach resort sa Sayaw. Paghugpa sa kilum-kilom mihinok ko’g biya sa balay ug miadto sa maong dapit.

Nag-una na diay si Bob nako didto sa among tagboanan. Sa akong pag-abot, iya dayon kong gigakos ug gikupogan paghalok. Nahisama siya sa usa ka gutom nga liyon nga nalutas sa kahinam nga pagkaon sulod sa dugay’ng panahon.

Tugob sa kainit ang lawasnong panagtagbo namo ni Bob. Namatikdan kong agresibo kaayo si Bob. Mas hangol siyang miangkon sa akong pagka-babaye karon kay sa nangagi namong pagtagay sa lawasnong kalipay.

Apan ang nakapakugang pag-ayo nako mao ang pinalahi nga performance ni Bob. Mao kaha kini ang epekto kun kanunay mogamit og shabu? Nakapangutana ko sa akong kaugalingon bisan unsa na lang nga position ang ipabuhat ni Bob nako ug ako na lang gipaundayonan sa iyang gusto. -- Sumpayan pa