Maria Magdalena - Gula 197

“Buotan ka sab diay nga pagka-anak,” nagkanayon si Neggar. “Bisan og naa ka na sa hustong pangedaron, nag-agad man lang diay gihapon ka sa ilang desisyon ug mananghid lang gihapon ka.”

“Gibuhat ko kini aron dili sila magduda nga naghimo ko’g milagro. Aron magkakita pa ta pag-usab sa sunod higayon nga dili ko maglisod.

“Beliba nako nimo, uy.”

Nalipay ko nga nakasabot si Neggar sa akong tumong.

Paglabay sa pipila ka gutlo, nanggawas mi sa kuwarto nga among giistaran. Miadto kami sa Ramos St. dapit sa Velez kay nangita og kan-anan kay gigutom kami sa among mainiton nga kombate sa kama. Sa among pagbalik sa hotel mipalit kami og ice cream ug cake aron duna mi makaon panahon sa kagabhion. Mipalit usab og usa ka kahang sigarilyo si Neggar ug dayon nanaka kami pagbalik sa hotel.

Pag-abot namo sa hotel, nakamatikod kong naglain ang hunahuna ni Neggar. Sa akong pagsabot, mora’g gusto na usab siyang modimdim sa akong katam-is. May sexual connotation ang iyang lihok ug sinultihan.

Gigakos ug gihagkan ko ni Neggar.

“Makabuang ka, Maria,” niya pa.

“Motuo ko nimo,” nako pa. “Naka-score gud ka’g katulo kaganina.”

“Di ko matagbaw nimo kun kausa ra. O bisan kaduha pa.”

“Sige pagtagbaw samtang nia pa ta dinhi kay ugma wala na ni.” -- Sumpayan pa