Mga gutling sa konsensiya
Sayong kahaponon. Nagtaligsik. Naghinuktok si Rudy sulod sa iyang barberohan. Mingaw kaayo. Way customer. Unya ang ulan makasamot og daut sa negosyo o trabaho nga ingon niini. Kay imbis manganha ang mga tawo nga gustong magpatupi, di na lang kay mahadlok sa ulan.
Unya may tawo nga nagpayong. Nagsige’g lili sa barberiya ni Rudy. Nailhan niya nga si Mr. Fred Into, suki ni Milton. Nasira ang barberiya ni Milton kay gipabayad siya’g advance nga abang balig tulo ka bulan. Ni Milton pa, kaya niya ang sayis mil ang buwan nga abangan. Apan ang tulo ka bulan nga advance, disiotso mil, di niya kaya. Sa unaha’g gamay tua ang bag-ong barberiya ni Milton nga maguwang la’g diyutay sa barongbarong.
Abi kaha ni Mr. Into ug mao na ni ang bag-ong gibalhinan ni Milton. Nigawas si Rudy. “Mr. Into, lahusa lang didto’g diyutay. Mga trayenta metros gikan dinhi, tua ang barberiya ni Milton. Mabasa gyud nimo ang dakong karatula nga naa iyang ngan†ni Rudy nga nitudlo sa unahan tanos sa dalan Abellana padulong sa silangan.
Nakapahiyom si Mr. Into.
“Naunsa man ka? Nga imong kompetinsiya si Milton. Imo mang gitudloan iyang customer? Puwede man unta ka moingon, sirado na man iyang barberiya. Ngari na lang ka nako patupi?†ni Mr. Into.
“Di na puwede nako, Sir. Gawas pa, duna koy konsensiya. Mas gikinahanglan ni Milton ang iyang mga customer. Kay depamilya siya. Ako ulitawo pa,†ni Rudy.
“Salamat, Dodong. Hinaut nga magdaghan ang imong tribo,†ni Mr. Into.
Niyango lang si Rudy. Ug nipahiyom. Nahimuot siya sa gisulti ni Mr. Into. Nalipay siya’s iyang nadungog. Nilapad gamay iyang atay. Wa siya magmahay sa iyang nabuhat. Kay sa sulod sa iyang barberiya, sa pipila lang ka gutling natental siya sa pag-pirate ni Mr. Into. (Kataposan)
- Latest
