Lord, thy will be done

Sayo gyod kong mibiya gikan sa amo sa Dakbayan sa Carcar. Kay hapit na molapas sa usa ka adlaw ang saad nako ni Paul. Nga duha ra ko ka adlaw sa amo. Sa akong pagbisita sa akong mga ginikanan ug mga manghod. Ug mopauli na ko sa amo. Sa Las Pinas, Metro Manila diin, tua na kami mamuyo si Paul, ug upat ka tuig namong anak nga si Wennie.

Pero paghunong sa mini bus nga gisakyan nako sa Citilink, nanaog ko. Nakita nako bisan layo ra, ang paggitib sa adlaw gikan sa mga panganod. Nga maoy nakapasamot sa kaanindot sa talan-awon sa nagbarog nga taas kaayong edipisyo sa Asian College of Technology.

Pagkatungod nako sa Central Fire Station, milabang ko paingon sa apartment ni Felix Tan. Pag-abot nako sa apartment, nagkasugat mi si Roy, ang kanhi delivery boy namo ni Paul sa negosyo namo. Sa dinhi pa kami ni Paul magpuyo, diin, ako ang iyang sekretarya, ug gipangulitawhan ko niya. Kay wa may laing nangulitawo nako nga arang arang, gawas kang Roy, gisugot nako si Paul, busa nagtipon mi isip magtiayon. Bisa’g si Roy gyod unta ang nagustohan nako. Pero wa mangulitawo si Roy nako, kay duna na man siya’y hinigugma.

Usa ka higayon niana, samtang miadto si Paul sa Lapulapu City, giprangkahan nako si Roy nga siya’y akong nagustohan. Gihagkan ko ni Roy. Gikuha niya ang akong tuong kamot, ug gipahikap niya ang iyang paa. Naggakos mi hangtod nanghigda nga nagginaksanay ug nahitabo ang kinawatkawat  namong kalipay.

Igo gyong nakabangon si Roy ug nagsul-ob sa iyang shorts sa pag-abot ni Paul. Upat na kadto ka tuig ang nakalabay. Ug karon, niining pagtagbo namo pag-usab ni Roy, nanginit na usab ang akong kalawasan.

Pila may sugilon, misakay mi’g taksi ug misulod  sa Queensland. Nagdilaab ang kainit sa akong gugma kang Roy. Kay sa tinuod lang nindot kaayo siya’g lawas ug ambongan kaayo.

Wa pa ko matagbaw busa, gigakos pa nako siya ug gihagkan ug mipatong ko niya nga way sapot, hangtod nga nakatagpilaw mi.

Pagmata namo, midali ko’g sul-ob sa akong sinina, ug nanamilit ni Roy. Wa ko mosaad niya’g kanus-a ko makabalik. Kay minyo na ra ba pod siya. Nagpangatagak ang akong mga luha. Nangayo’g pasaylo sa Kahitas-an, ug miingon, “ Wa ko masayod, Lord, kun mobalik pa ba ko. Apan, Lord, Thy Will Be Done…”(Kataposan)