More than friends

Dear Tita Salie,

Hello and how are you? I just hope that you always have the willingness to help your dear brothers and sisters nga nagkinahanglan sa imong panabang.

Usa gyod ko sa mga nagsunod sa imong column kay ganahan kaayo ko the way you share your thoughts and knowledge. Medyo prangka ug practical man gud ka modala og tambag, Tita, mao kini ang akong ganahan kanimo.

Tagoa lang ko sa pangalan nga Jean, I am 18 years of age and still single. Nagtrabaho ko aron makatabang ko sa kalisod sa akong pamilya. Maayo na lang duna ko’y ikahatag sa akong mama ug papa isip tabang alang sa gastohan sa balay.

Stay-in ko sa akong gitrabahoan. Ug ang akong maam dunay pag-umangkon nga nag-edad og 23  ug ania usab puyo sa balay sa akong ma’am. Tipon mi sa usa ka balay  ug na-inlove ra ba ko niya. Pero wala ko masayod kun love ba ko niya, Tita. Buotan man gud kaayo siya.

We are more than friends but less than lovers, Tita. Pero ganahan gyod ko niya. Palihug pasabta ko ug sultihi ko sa angay nakong buhaton. Thank you so much and God bless you always.

* * *

Hi, Jean,

Nindot ang feeling nga anaa ra uban kanato kanunay ang tawo nga nakapatibok sa atong kasingkasing. Apan subo lang usab hunahunaon nga igo lang kita sa pagsud-ong kaniya tungod kay dili man gyud puyde nga kita mag-una-una.

Ang ako lang gyod ikatambag kanimo nga ampingi ang maong pagbati nga dili kini mahalata ngadto sa maong lalaki tungod tipon ra baya mo og gipuy-an, nahadlok lang ko nga iya unyang i-grab ang opportunity. Basin unya kun masayran nga duna kay gusto kaniya mawad-an unya siya og respeto nimo ug modako ang iyang ulo.

Antosa lang una ang maong  sitwasyon, ug hulata lang gyod nga makabaton siya nianang pagbatia. Pasagdi siya nga makakita sa imong kaanyag ug kabuotan. Mao kini ang ilang giingon nga mas lami gyod ang “hinog sa punoan.”

Mas lami gyod ang prutas kun ang pagkahinog dili ahat. Wala butangi og kalboro o chemical aron paspas ang pag-develop kay imo gyod nga matagamtam ang iyang katam-is.

Busa pagbaton og pasensya ug ayaw gyud siya unahi kay tingali usab unya kun ma turn-off hinuon siya. Ipadayon lang ang inyong pagkasuod ug panaghigalaay tungod kay mao kini ang labing nindot nga foundation sa usa ka romantic relationship.

-- Tita Salie