Babaye gipanglili - Gula 4

“Mosugot ka ba nga ako na la’y inspection nimo inig balik nimo sa city jail?” gikomedyahan ni Noel ang gwapa nga dalaga nga si Karlyn. “Samot nga dili ko, dili man gani ko gusto nga female guard pa ang mo-inspection, how much more kun lalaki,” matud ni Karlyn.

Igo na lang mikatawa si Noel nga naminaw sa reaksyon ni Karlyn. Gitutokan niya ang panagway sa dalaga nga wala gayud intawon masayud nga nakita na ni Noel ang labing pribadong parte sa iyang lawas dihang gi-search siya didto sa searching room sa mga babaye.

Mibalik si Noel sa city jail kay wala pa ra ba siya mo-off sa iyang duty. Nananghid lang si Noel sa iyang shift officer nga ihatud kadiyot ang bag-o niya nga nakaila nga si Karlyn.

“Mora’g in-love ka adtong gwapa nga anak sa piniriso part da,” matud sa kaubang jail guard ni Noel dihang nabalik na siya sa city jail. “Buanga bitaw part, talagsaon ang kaanyag ni Karlyn unya tan-aw nako buotan siya nga pagka babaye,” dali nga tubag ni Noel.

Bana-bana ni Noel dili kaayo layo ang iyang pangedaron. Tingali mga 19-anyos si Karlyn samtang 25 si Noel. Nakahinuktok makadiyot si Noel, gibalik-handom niya ang iyang nakita didto sa salamin kaganina dihang mituk-ong si Karlyn nga wala nay underwear.

Daghan na kaayo ang nasakpan sa mga jailguards nga mga babaye nga buot mosulod sa prisohan nga magtago og pinakete nga shabu nga anha ibutang sa ilang kinatawo mao nga estrikto ang mga gwardya nga bisan ang pribadong parte sa lawas sa babaye ilang hilngon.

Gikan niadto subsob nga magbayloay og text messages sila si Noel ug Karlyn. Wala madugay, nabulgar ang binuang sa pipila ka jailguards nga panglilion nila ang babaye nga i-search sa mga female guards.

Si Noel ang mikontak sa usa ka reporter sa The Freeman aron mahunong na ang binuang sa pagpanglili. Napugos ang warden sa pagpailis sa bungbong nga nag-uwang sa searching room sa babaye ug lalaki ug gihimo na nga doble aron lisud ang pagbutang og lungag.

Usa ka Domingo, nagkasabot sila si Noel ug Karlyn nga magkita sa downtown sa dakbayan sa Sugbo. On-leave niadto si Noel mao nga nakahigayon siya pakigkita ni Karlyn.

Sulod sa usa ka kan-anan samtang nagpaabot sa ilang order gitutokan pag-ayo ni Noel si Karlyn. Gusto niya nga busgon pag-ayo ang iyang mga mata sa kaanyag sa dalaga.

“Abi nimo Karlyn, gibulgar baya nako ang binuang sa jail nga ang mga babaye nga mosulod panglilion sa mga jailguards,” giingnan ni Noel si Karlyn.

“Ha? Mao ba? Sa ato pa gilili ‘sab diay ko niadtong pagsulod nako?” miiknat ang kilay ni Karlyn. - Sumpayan