Nganong di man nimo sulayan

Nag-inusara na lang si David sa iyang payag sukad mipanaw sa laing kalibotan ang iyang asawa. Bisan sa pangidaron nga singkuwenta y otso, makita pa gihapon ang iyang kaambongan niadtong batan-on pa siya. Usa ka sayong gabii, pauli na siya sa iyang payag, “Dav, agi una diri,” gisangpit siya sa iyang silingang biyuda nga si Cora.

Sanglit sayo pa man, milingkod si David sa taas nga bangko diha sa tugkaran ni Cora, dayong pamulong, “kumosta ka Cora?”

“Mao lang gihapon ko, Dav, naghulat kun kinsay mopunit.”

“Daghan pang mopunit nimo, Cora kay maayo ka man og hitsura.”

“Sa edad nako nga kuwarenta y singko na, Dav, kuli na kaayo nga may mopunit pa. Basin ikaw, kun kursonada ka,” dala ang komedya sa biyuda.

“Ayaw pagsulti niana, Cora, kay tingali’g mahinayak ko.”

“Ngano man diay’g mahinayak ka makahimo ka pa diay?”

“Ngano gong dili, gusto mo, di atong sulayan?”

“Sige, manaka ta’s taas.”

“Di ko diha, oy’ hiabtan pa lang hinuon ta sa imong apo.”

“Alas dies pa to mopauli kay night school to sa high school. Ayaw’g dugay-dugay diha, David kay tingali’g mausab ang akong huna-huna, na ikaw lang.”

Busa mikuyog si David sa itaas, ug didto natuman ang ilang mga pangandoy. Human makapahulay ang duha, usbi’g kausa, Dav, una ka mouli.

“Husto na to, sa sunod na sab,” balibad sa lalaki.

“Ayaw ko’g ingna nga kutob ka ra sa kausa.”

“Na, hala, pun-an ko’g kausa,” dayong tabikong ni David sa biyuda. Naka-home base pa gyud og kausa si David, dayong katulog nga       naghagok.

Migawas una si Cora sa lawak dayong tambo sa bintana. Didto sa unahan iyang nakita ang iyang apo nga gikan sa eskuwelahan.

“Dav! Dav! Bangon na kay padulong na nganhi ang akong apo. Tingali’g hiabtan ka nga naka-brief lang.”

Mitimbakuwas pagdali si David. “Hain ang akong pantalon?”

“Nia ra,” dayong tunol sa biyuda sa pantalon ni David. “Ayaw na lang kana isul-ob, kanaog na.”

Nanaog si David nga naka-brief lang nga nagbitbit sa iyang pantalon, nga nasugatan ni Fredo.

Mora man og gikan ka sa ilang Cora, Dav, mora man og gikan ka sa hanimon kay wa ka pa maka-pantalon,” nagkatawa si Fredo.

Bitaw, Fred, nasugamak ko sa way praktis nga biyuda,” dayong sulod ni David sa iyang payag. -- (Kataposan)