Dili gyud diay tanan macho, laki

Naa na ako sa ikatulo’ng ang-ang  sa kurso nga akong gikuha dinhi sa unibersidad nga nahimutang sentro sa syudad sa Sugbo. Ug usa ka adlaw, wala akoy klase atong higayona. Busa nakahukom ko nga motan-aw og sine. Ako lang usa atong higayona. Ug didto ko napadpad sa sinehan (Eden) nga may daghan poster nga mga sexy nga mga babae sa gawas nga bahin naka-display.

For adults ang maong klase sa salida kay nakabutang man nga Rated R.  Klase-klasing sinihan na ang ako nasudlan pero nianing sinehana, firs time palang gyud nako ni.  Medyo gibati ko’g kahinam aning salidaha kay sa titulo palang gani manginit na ka.

‘Talong’ maoy title sa maong salida, ug nga gibidahan sa usa  nakong paborito nga bold star, nga mao si Nene Jacinto.

Mahinamon kong miduol sa cashier’s booth aron sa paglukat og tiket. Ug dayon sa pagsulod ko sa sinehan mao gyu’y misugat sa akong panan-aw ang mga mata sa macho nga lalaki nga pilit kaayong mi-tutok kanako.

Nag-inusara kining nagbarog duol sa pultahan sa maong sinehan. Bisan tuod og medyo ngitngit ang palibot sa sinehan pero bantang  ang iyang pamayhon  nga masulawan sa kahayag sa salida nga nipilit sa telon. Hitsuraan ang maong lalaki. Sakto ug barog, bus-ok ug maskulado kaayo kini’g lawas nga gi-sinenaan lang og puti nga sleeveless. Mao nga short dayon giparisan ug sport shoes.

Wala ko na lang siya tubayi sa pagtutok ug mipadayon ako sa unahan aron mangita og  bakanti nga kalingkoran.  Ug sa dihang nakapwesto nako, gisugat dayon ako og  mga esena sa salida nga kalit nakapainit sa akong kalawasan.  Ang bida nga si Nene Jacinto, nakig-ukobay sa paris niyang lalaki.                         Apan unsang pagkahitaboa nga sa taud-taod nakong antos sa gibati ko nga tumang kahinam bunga sa kainit sa maong esena kalit mang may kamot nga  mihapuhap sa akong paa ug inanay kining mipaingon sa akong pundiyuhon. Ug sa paglingi ko mao gyud nabantang sa akong panan-aw ang  macho’ng lalaki nga daw sa gitil-asan kining nagkidhat-kidhat  diri kanako.

“Hi!” matod sa machong lalaki nga ang kamot daling nakasigpo sa akong buhi. Daw sa mikaging ko atong higayona. Wa ko dahoma nga siya usa diay ka maya.

“Ha..! piskot…! Bayot ka diay’ng  kagwanga ka” singgaak ko ug dali kong mibarog ug gibiyaan ang maong macho nga lalaki ug dayon migawas ko sa maong sinehan. “Ho..!” Nakapanglingo ko’s akong ulo.

Tungod sa gibati kong kahinam wala na ako kamatikod sa kagwang nga mitupad diay kanako  sa paglingkod.

“Sus… hapit gyud ko nabiktima’s hinampak da.  Ha! dili gyud diay tanan macho,laki.”

Matod ko sa akong kaugalingon nga naulian na sa gibati kong panginit kaganina. (Kataposan)