“Nakakita ka na man g’yud nako Sann nga usa ako ka buta, sigi mahimo na ko nimong biyaan,†ni Alex pa nga subo ang tono sa sinultihan. Alang kang Alex, imposible kaayo nga puniton siya ni Sannie nga usa man lang siya ka buta.
“Nganong biyaan man tika Lex nga boyfriend man tika? Ang imong pagkabuta dili makapausab sa akong pagbati para nimo. Mabuhi ra tingali kita kun magtinabangay lang,†matud ni Sannie.
Wala gayud magtoo si Alex nga kadto maoy iyang nadungog gikan sa iyang girlfriend nga nakaila niya pinaagi sa text sa radio program nga Wanted Uyab.
“Ayaw kabalaka Lex, wala gayud mausab ang akong gugma nimo bisan karon nga nakita ko na ikaw nga usa ka buta. Sagdi lang og buta kay gwapo man ‘sab,†ni Sannie pa nga maoy nakapakatawa ni Alex.
Gisubli ni Sannie paglitok ang tulo ka sagrado nga pulong “I Love You†atubangan na gayud ni Alex. Mora’g gibayaw sa langit sa kalipay si Alex nga wala mausab ang pagtan-aw ni Sannie kaniya.
Gihapuhap ni Alex ang kalawasan ni Sannie. “Basin ikaw tingali Lex maoy mausab kanako kun itug-an ko kanimo ang akong kaagi,†si Sannie na usab maoy nahimong seryoso ang sinultihan.
“Ngano man diay Sann?†nagpakisayud si Alex sa iyang girlfriend. “Byuda na man ko Lex ug dunay duha ka anak sa namatay nako nga bana. Ikaw, ganahan ka pa ba kaha nako nga maisip na nga second hand.â€
Gipislit paghugot ni Alex ang kamot ni Sannie. “Nakadawat ka man gani kanako nga usa ka buta, ako pa kaha Sann ang dili makadawat kanimo? Wala ko’y labot sa imong kagahapon uban sa imong bana, ang ako mao ang karon ug ang ugma,†ni Alex pa.
Napagakus si Sannie kang Alex sa kalipay. “Kun magkadayon ta Sann, andam ako nga mosagop sa duha nimo ka anak ug ilhon nga akong tinuod nga anak,†matud ni Alex nga nakapalipay kaayo ni Sannie.
Giubanan ni Sannie si Alex pagpauli sa ilang balay. “Maayo kay makatultol ka nga mopauli sa inyong balay no nga dili ka man makakita?†ni Sannie pa nga nakadayeg kaayo ni Alex.
Wala magdugay si Sannie sa balay nila ni Alex kay gitan-aw siya sa mga silingan sa iyang boyfriend. “Kaswerte nimo bai Alex, gwapa man kadto si Sannie?†matud sa amigo ni Alex nga si Roger.
“Tinuod ka bai? Gwapa tinuod si Sannie?†nakapangutana si Alex kay basin og gikomedyahan ra siya sa iyang barkada. “Gwapa mo lang bai? seksi pa g'yud og bana-bana nako sa iyang edad mga 23-anyos pa,†dugang sa amigo ni Alex. - Sumpayan