Maria Magdalena
Gula 168
Mi-resign na diay si Raffy sa iyang pagka-driver sa pari sa among parokya aron atimanon ang masakiton niyang amahan, kay tigulang na pud kaayo ang iyang inahan.
Nakugang ko sa balita nga akong nasayran. Wala man gud maghisgot si Raffy ngari kanako nga mohawaay diay siya sa iyang trabaho. Para nako, mora’g kalit kaayo ang iyang desisyon. Wala ko magdahom nga ingon niadto ang ending sa among relasyon, nanghagad ra man siya nako og kasal. Wala gyu’y pasumbingay man lang nga magkalagyo ming duha.
Wala ko makasabot sa akong gibati pagkasayod nako nga si Raffy mibiya na sa among dapit. Mora ko’g nalipay apan nahinugon sab sa iyang pagpalayo. Tingali tungod kay may pinagsamahan man kaming duha.
Hinuon, kutob ra sa kawili ang gibati ko alang kang Raffy. Wala ko maguol ni magsubo. Wala nako gikasakit ang iyang pagbiya sa among dapit bisan may nahitabo na tali kanamo sa makadaghan. Wala man ko mahigugma niya. Pleasure ray akong giapas niya. Tambal sa kauhaw.
Isip usa ka babaye, alkanse tingali ko sa nahitabo namo. Pero para nako, patas ra ang tanan. Managsama ming nalipay sa among gibuhat. Ug ang mga lalaki mo-“come and go†lang sa akong kinabuhi. Anad na ko sa ingon niini nga panghitabo.
Sa pagbiya ni Raffy sa among dapit, gipakasama ko na lang nga nagdamgo ug sa akong pagmata nahanaw ang tanan. Wala koy interes nga makakuha’g dugang balita mahitungod kaniya. -- Sumpayan pa
- Latest
