Wanted Uyab
“Mananghid ko nimo bai Alex ha nga ihatag nako sa radyo ang numero sa imong selpon? Makauyab ka lagi ani bai Alex!†giingnan ni Sammy ang iyang higala nga buta.
Nag-edad na og 22-anyos si Alex apan wala pa gayud makasuway og uyab-uyab tungod sa iyang apan sa panglawas. “Ayaw lang tingali bai Sammy kay wala’y kapuslanan,†ni Alex pa.
Apan miinsistir gayud si Sammy ug iyang gihatag ang numero sa selpon ni Alex ngadto sa programa sa radyo nga nag-wanted og mga higala ug ilabi na uyab.
Wala gayud tuod masayop si Sammy kay taud-taud, pwerteng daghana nga text messages ang nadawat sa selpon sa iyang higala. Wala pa makontento, duna pa’y usa nga mitawag g’yud.
Gitunol dayon ni Sammy ang selpon sa iyang amigo nga buta. “Hello? Si Alex ni?†paraygon ang tingog sa babaye nga didto sa pikas linya. “Oo, ako ni Ma’am,†ubos ang tono sa tingog ni Alex.
Taud-taud na sila nga nagsultihanay ug namatikdan ni Alex nga buotan ang babaye nga mitawag kaniya ug nagpaila nga Rosanna. “Tawga lang ko og Sannie,†giingnan niya si Alex.
Kadto maoy sinugdanan sa ilang panaghigala. Daghan ba g’yud nga babaye nga nahimong textmate ni Alex apan pinaagi sa iyang amigo nga si Sammy nga maoy tigtubag sa mga text message.
Nahimong gabayan sa inadlaw nila nga tulomanon ang programa sa radyo. Magbawos-bawos usahay sila pagpadala og mga greetings. Kadto maoy nakapaturok sa masi’g nila ka mga pagbati.
Buntag sayo magsultihanay na silang duha si Rosanna ug Alex. Hangtud nga miabut ang higayon nga nagkauyab ang duha. Malipayon na kaayo si Alex ug wala’y sipyat sa pagpaminaw sa kinaham nila’ng programa – ang Wanted Uyab.
Usahay mag-imagine sila’ng duha samtang magsultihanay sa telepono. “San, kanindot gyud kaha nimo hagkan sa lips uy,†giingnan ni Alex si Rosanna usa ka higayon niana.
“Giingnan ta bitaw ka nga magkita na ta Lex? Makahawok ka g’yud nako basta magkakita na ta. Nganong dili ka man gusto nga magkita na ta Lex?†matud ni Rosanna.
Wala makatingog si Alex. Kini maoy kanunay nga ipangutana ni Rosanna kaniya kun nganong dili siya gusto nga mag-abot sila’ng duha. Nagpatambag si Alex sa iyang amigo.
“Ako pa nimo bai, tug-anan na nimo sa tinuod si Sannie, ayaw kahadlok nga iya ka’ng buwagan kay naa pay daghang babaye nga nag-wanted og pangga,†ni Sammy pa. Tuod miabot gayud ang higayon nga nakabaton na’g kaisog si Alex. “Ang rason nga dili ko gusto nga mag-abot ta'ng duha San, kay duna ko’y apan sa panglawas... usa ako ka buta.†-- Sumpayan
- Latest
