Masahesta ug Drayber

“Diretso ka lang sa eskena Ric, liko sa tuo ug ikatulo nga gate nga puthaw nga may iro mao kana ang balay ni Fe,” gitug-anan ni Ben ang higala niya nga buta.

Paspas nga milakaw si Rico human makapanamilit samtang nagtuslok-tuslok sa karsada ginamit ang iyang sungkod. Dali ra siya nga miabot sa giingon nga gate nga puthaw.

Gituktok ni Rico ang gate gamit ang iyang sungkod. “Maayong gabii! Maayong gabii!” nangatahuran si Rico. Gisugat si Rico sa mga iro nga isog kaayo nga namaghot.

Dunay tingog sa babaye nga mibadlong sa mga iro. “Dali Ric, sulod. Daan pa ko nga ikaw na ang miabot,” si Fe gayud ang misugat kaniya sa gate.

“Mangaon usa ta Ric,” matud ni Fe. Misuway og balibad si Rico apan namugos g’yud si Fe nga dunganan siya ni Rico sa panihapon. Nakabantay si Rico nga giatiman g’yud siya pag-ayo ni Fe.

Nakabantay si Rico nga usa ra ka katabang ang kauban ni Fe sa balay.

Pipila ka gutlo human sa ilang pagpangaon. “Tana Ric, adto na lang ta sa kwarto nako, ayaw lang laina’g sabot kay  wala may laing makakita nato,” matud ni Fe.

“Walay problema Fe. Naanad na kaming mga masahesta nga usahay pasudlon ra sa kwarto sa among customer,” abtik nga tubag ni Rico.

Wala gayud mosipyat si Ben, ang laing customer ni Rico, nga seksi og panglawas si Fe. Sa paghaplas pa lang ni Rico og padangog sa buko-buko ug bat-ang ni Fe, nahinol dayon niya ang porma kaayo niini nga lawas.

Bisan og naghapa kini sa hunol-hunol nga kama apan miugdo gihapon ang igwad niini nga sampot. “Ayaw pagpangikog Ric ha, kay aron nindot g’yud ang imong pagmasahe,” giingnan ni Fe si Rico.

Sa pagsugod pa lang og hapyud ni Rico sa bat-ang ug buko-buko ni Fe, daw nanguto-kuto ang kabukogan sa babaye. Wala makapugong si Fe sa pag-agulo tingali sa kalalim nga iyang gibati.

“Dugay na kaayo ko nga wala makapamasahe Ric, kadto ra man’g akong bana maoy momasahe nako, unya human... pakapoy na ‘sab,” matud ni Fe dayon’g pahiyom.

Nakasabot si Rico sa gipasabot ni Fe. “Abubhoan man gud kaayo kadtong akong bana mao nga siya ra g’yud ang momasahe nako Ric,” ni Fe pa nga miplastar pag-ayo sa iyang lawas.

Sa ilang panaghinabi, nasayran ni Rico nga bisan og mga 40 na ang pangedaron ni Fe, apan wala diay sila makabaton og anak ug ang iyang namatay’ng bana.

Makadaghan nga higayon nga nakapanglad-ok sa laway si Rico nga nag-imagine sa kaseksi sa lawas ni Fe nga iyang gimasahean. - Sumpayan