Maria Magdalena

Gula 158

Pagsaylo niini’g diyotay sa among simbahan mihunong ang bus kay dihay pasahero nga misakay. Dihang midagan na ang bus, nakugang ko dihang may mitupad nako paglingkod. Si Raffy!

Sama nako, nakugang sab si Raffy pagkakita nako. Mora’g wala sab siya magdahom nga magkasakay mi sa bus paingon sa siyudad.

“Tayming kaayo, da,” ni Raffy pa. “Mora’g gituyo gyud sa kahigayonan nga magkaatol ta.”

“May importante kong tuyo sa siyudad,” giingnan ko si Raffy. “Gisugo ko ni papa pag-follow up sa iyang loan sa St. Peter. Puyde na man maka-loan basta fully paid na.”

Pag-abot namo sa South bus terminal sa dakbayan sa Cebu, wala na mobulag si Raffy nako. Nagdungan mi’g sakay og jeep paingon sa Cebu Metropolitan Cathedral kay tua man didto ang opisinahan sa St. Peter. Pag-abot namo sa kinapusoran sa siyudad, misugyot si Raffy nga mangaon una mi. Wala ko mobalibad.

“Mag-unsa ka man diay dinhi sa siyudad ron.” Gipangutana nako si Raffy samtang nangaon mi.

“Gisugo ko ni Padre og papalit og hostia ug bino mumpo kay wala nay magamit sa misa,” laktod niyang tubag.

Human sa pangaon, nag-iya-iya na mi’g dalan si Raffy. Didto siya sa Basilica del Sto. Niño store ug ako paingon sa buhatan sa St. Peter. -- Sumpayan pa