Maria Magdalena

Gula 147

“Sabton ko ba nga wala nimo pagtutol sa akong gibuhat nagkahulogan nga nagkasinabtanay na ta, Maria? Giingnan ko ni Raffy dihang milunga siya pag-ukob sa akong ngabil.

Wala ko motingog. Igo lang ko nga mitutok kaniya nga miduko. Gigunitan niya ang akong suwang ug subling gihagkan ni Raffy ang akong ngabil. Unya nabatyagan ko na lang nga gipanangtang na niya’g sugod ang mga salimbong sa akong lawas.

“Dili ta dinhi,” giingnan ko siya. “Adto ta sa kuwarto.”

“Okey,” namarog kami ug gikuptan ko siya paingon sa akong kuwarto.

Sa nakasulod na mi sa akong kuwarto, gihinay ko’g pahigda ni Raffy sa ibabaw sa kama. Unya gitiwas niya’g panangtang ang tanang mga salimbong sa akong lawas. Gisunod dayon niya‘g hubo ang iyang mga sapot ug unya mitapuko siya kanako.

Kadali ra kong nanginit sa gihimong foreplay ni Raffy. Hingpit kong nahikalimot nga gusto na unta kong magreporma sa akong kinabuhi. Miulipon kanako ang tumang kahidlaw sa kalipay nga lawasnon. Nasuta ko nga lisod na sab kaayong pakigbatokan ang bul-og sa kahigal.

“I love you, Maria,” giluwatan ni Raffy ang maong mga pulong sa dihang gition na niya  ang naghiting-hiting na sa kagahi.

“I love you...” maguwang sa hagawhaw ang akong tingog. -- Sumpayan pa