Maria Magdalena

Gula 143

“Gitahod ko ang imong baroganan, Maria,” nagkanayon si Raffy. “Pero hinaot unta nga di nimo ikahasol ang akong pagpadayon sa pagpanguyab nimo.”

“Ikaw ang mag-igo. Basta kay wa ko ikaw pasaligi ug palaoma.”

Usa ka higayon niana, gibati ko nga mora’g makamatay ang kalaay sa pag-inusara sa balay. Nakahunahuna kong motan-aw og salida sa DVD. Maoy akong gitan-aw ang “My neighbors wife” nga si Dennis Trillo ug Jake Cuenca ang bida.

Medyo daring pud ang salida ug dunay mga eksina nga mapukaw ang nabugnaw nakong kaulag. Tinuod gyud nga sensational ang maong salida kay samtang nagtan-aw ko niini, nanginit man usab ang akong lawas.

Wala lang tuyoa, nahinumdom ko sa akong sex experience sa lainlaing mga lalaki kaniadto. Grabe sab ang akong kasinatian sa sex. Daghang mga lalaki ang miagi sa akong kinabuhi niadtong panahon nga nagpaulipon ko’g maayo sa kahigal ug kahangol sa unodnong kalipay.

Samtang nagpadayon ko pagtan-aw sa salida, nabatyagan ko nga mora’g naglain ang akong lawas. Gawas sa pagpanginit, ingon sa migilok usab ang akong ubos ug nagpangurog ang akong kaunoran. Mikulba ang akong dughan. Unya dihang gikuot ko ang ilalom, akong nasuta nga nag-lubricate ang akoa. -- Sumpayan pa