Ang anak nga nangabali ang kamot ug tiil
“Ikaw man diay na Bay Edip! Dali, sud diri,†matud ni Osito human kaabrihi ang pultahan, dayong dagan sa sala sofa ug gipaspasan sa abog “dali, Bay, lingkod.â€
“Aylang gug palabii pagtagad, Bay Osito. Mora’g karon ka pa man,†matud ni Edip nga mingisi human makasud sa pultahan.
“Karon pa ka naabot, Bay?†matud ni Osito uban ang hinangop nga pahiyum.
“Adto pang unang semana, Bay,†matud ni Edip ug mihinay’g lingkod sa sofa.
“A, unya kumusta mang duha ka tuig nimo sa Japan, Bay?†matud ni Osito nga milingkod pud sa atbang nga sofa.
“Sa primero nabag-ohan gyud, Bay. Tugnaw man gud kaayo pag-abot nako didto kay ting-snow. Bag-ohan pod ta sa mga pagkaon.Pero sa hinay-hinay naanad ra man pod. Salamat sa Dios. Ikaw Bay. Kumusta ka man? matud ni Edip, dayong pinanambid.
“Nag-antos gihapon sa tumang kagwapo, Bay,†pabawhag ni Osito ug nangatawa silang duha.
“Asa man diay imong misis, Bay? Ang imong anak nga si Brandy? Ikaw ra man lagi usa ron diri?†ni Edip nga naglingi-lingi.
“Akong asawa tua pa sa tsanggihan nangumpra’g para lutoonon rong panihapon. Moabot na tingali to rong mga alas 5:30 p.m. Akong anak tua pa sa eskwelahan. Abi ko’g bag-o pa ka naabot ron gikan sa Japan, Bay. Kay nagda pa man ka anang imong bag nga guyod-guyod,†matud ni Osito nga mingisi.
“Gisudlan man gud ko ni sa akong mga dalang pasalubong para ninyo, Bay. Naay sapatos para imo. Sandal ug make up para sa imong misis. Kawo, sunglass, jacket, jeans para sa imong anak nga akong kinugos sa bunyag, Bay. Kabawo kong paborito kaayo ni niya kay idol gud niya si Robin Padilla a.k.a. “Bad Boyâ€. Labina nga ulitawo na gyud siya ron kay 3rd year. high school na gud to siya paglarga nako sa Japan.
“Dili na mosul-ob akong anak, ana, Bay,†naguol ang nawong ni Osito.
“Nganong di na man mosul-ob, Bay? Nganong naguol man ka, Bay?†kahibulong ni Edip.
“Tungod kay nangabali na iyang mga kamot ug tiil, Bay,†matud ni Osito nga midungo.
Kalit nga may bayot nga misud sa pultahan pwerting seksiha. Mitutok kini kang Edip ug kalit nga miingon “Papwa Edip!†dayong kiaykiay og dinagan ug gigakos siya.
“K-Kinsa man ni siya Bay Osito?†ni Edip nga naningkamot sa pag-ipsot sa gakos sa bayot.
“Siya si Brandy, imong kinugos,†matud ni Osito.
“Unsa? ikaw ni Brandy?†ni Edip nga nasiga ang mata.
“Yes, Papsy. But from now on and forever just call me Brenda,†matud ni Brandy. (Kataposan)
- Latest
