Maria Magdalena
Dili sab mahitabo nga nalimot ko sa pag-lock niini sa dayon nakong lakaw kaganina. Misantop sa akong hunahuna nga tingalig gisulod og kawatan ang akong gipuy-an.
Nakahunahuna ko nga manawag sa mga silingan apan kalit lang usab nga nausab ang akong hukom. Kinahanglang sutaon nako kun may mga butang bang nangawagtang sa sulod sa apartment aron matino nga kawatan gayod ang nangahas pagsulod sa akong gipuy-an. Dili maayong magtaho ko sa kapolisan kun dili pa nako masuta ang tinuod.
Gihinay nako pagtukmod ang palid sa pultahan ug misulod. Tumang kamingaw ang misugat kanako sa sulod. Ug mao na lang ang akong kahikugang pagkakita nako sa usa ka lalaki nga didto sa akong lamesa naglingkod ug nag-inom og kape. Si Walter!
“Maayo kay mipauli ka na,†matud ni Walter nga mitindog ug miduol kanako.
“G-gikan ko s-sa...†Nagkabungabunga ko sa pagtubag kay wala ko masayod kun unsay akong ipangatarongan. Wala ko magdahom nga mahiuli si Walter kay wala man siya magpasidaan o magpahibalo nako nga mopauli siya.
“Nasayod na ko kun diin ka gikan,†matud ni Walter nga ligdong kaayo’g panagway. -- Sumpayan pa
- Latest
