Maria Magdalena Gula 131

Wala koy gitagoan, Darwin. Sagdi lang. Inig-abot sa tukmang panahon, ako na mismo ang mohagad kanimo pag-ari sa balay.”

“Sige, ha. Lauman ko kana.”

“Oo, lagi.”

Unya nahilom ming duha.

“Enjoy ka ba sa atong gibuhat kaganina?” Gikan ni Darwin.

“Angay pa ba gud kanang ipangutana?” Gisumbalik ko siya. “Enjoy kaayo ko every time nga atong saw-an ang dugos sa lawasnong himaya.”

“Mo-text ko nimo ha, kun ganahan na pud ko mokuan nimo.”

“Okey. No problem basta ikaw.”

Miyerkules sa hapon, nanawag si Darwin kay makigkita na usab. Ug nagkita gayod kami si Darwin. Didto ko niya dad-a sa Ross Inn. Gitilok namo ang mga gutlo pagtagay sa lawasnong kalipay. Medyo lawom na ang kagabhion dihang mi-check out kami ni Darwin.

Sa dihang nagkaduol na ako sa balay nga akong gipuy-an gikulbaan ko. Ako man gud nakita nga hayag kaayo ang suga nga unta wala may tawo. Dili na lang unta ko mosulod apan, dili mahimo misulod gyud ko. Humok kaayo ang door knob dihang ako kining giliso. -- Sumpayan pa