Ang barangan
Daghan ang nakahilak nga mga dalaga ni Godo. Tungod sa iyang mga pasalig. Ang mga patay mahimo pang mabuhi aron lang sugton sa mga dalaga nga iyang gikaibgan.
“Godo, maluoy intawon ka nako luwasa ang akong pagkababaye kay mabdos ko,†matud ni Ines nga niluhod sa ulitawo. “Ines, pahawa diha ... wala kay kaluoy nga mapaabot kanako,†tubag ni Godo. “Godo, hu-hu-hu ... sa imong pagpahilak kanako. Akong ipanghinaot nga ikaw gabaan ka sa mga babaye nga imo lang gipareha og mga dulaan.
“Ines, dili ko madala nianang imong paluoy luoy. Busa layas ayaw na pakita kanako,†ni Godo pa nga nagpamente sa kalagot.
“Sa imong pagpahilak diri kanako, iampo ko ang kaalautan mo,†saysay ni Ines nga nibakho sa paghilak, ug dayong lakaw.
Gikan niadto wala na mopatim-aw si Ines ni Godo. Ug niadto na lang si Ines sa iyang kuwartahan nga iyaan didto sa Manila aron manarbaho sa negosyo sa iyang iyaan.
Sa nahimutangan ni Godo nagpadayon siya sa iyang pagkapalakero. Gani nagplano na siya sa pinakamaanyag sa ilang baryo nga gidungog nga kaliwat og barangan nga si Linda.
Sa iyang pagkapalakero wala siya mapakyas. Kay nadala man usab sa mga pasalig si Linda ang anak sa barangan. Ug wala magdugay namabdos usab ang anak sa barangan.
“Godo,†namunga ang atong gibuhat busa pakasli ko,†paghangyo ni Linda.
“Linda, pakasal lang og imo,†ni Godo.
Tungod sa kasakit sa mga gipamulong ni Godo, ningaab siya sa tumang paghilak. Kay nadala siya sa pasalig ni Godo.
Nianang pagkatungang gabii nikalit lang og kasakit ang tiyan ni Godo. Ug ang pamanit nagkausab. Hangtod nga nahimo siyang sanglahon.
“Mama Tikay, naunsa na man intawon ni ang akong kahimtang,†matud ni Godo.
“Godo, makabalos na gayod kanimo ang mga babaye nga imong gipahilak. Nagduda na ako nga gipabarang ka,†pulong ni Tikay.
Sa gidangatan ni Godo nagkagrabe ang iyang sakit. Ug sa kadugay’ng panahon wala na sila magkita ni Ines ang usa sa iyang gipahilak.
Usa ka buntag niana niadto siya sa simbahan. Kay wala na may nahimo, napugos na lang siya sa pagpakilimos, kay usa naman siya ka sanglahon.
Pipila ka gutlo ang nilabay may niabot nga usa ka maanindot nga Crosswind nga sakyanan. Ug nakalitan si Godo kay si Ines ang iyang nakita ug may lalaki ug matahom nga bata ang iyang gikakuyog.
Gikulbaan siya kay niduol na kaniya.
“G-Godo... i-ikaw ... usa na ka sanglahon?†matud ni Ines nga nahibulong.
“Oo, ako, pero yuna pa, kinsa sila ang imong gikakuyog?†pangutana ni Godo.
“Ako siyang bana si Melvin. Ug kining bata, imo siyang anak,†pasabot ni Ines.
Pagkahuman gyod og himamatay, igo lamang intawon siyang gilabyan sa magtiayon. Karon nagsugod na og dahili ang luha sa iyang mga kaapingan kay dili na magakos ang iyang anak.
Dangtan og tunga sa oras may lain na usab ang niabot. Kay nasiplatan niya si Linda ang katapusan nga iyang gipahilak.
“Godo, kumusta ... dili lalim kun pahilakon dili ba?’ ni Linda.
“Linda, gibasulan ko na ang tanan,†ni Godo.
“Godo, sultian ko ikaw nga ako ang barangan,†matud ni Linda nga nibahakhak sa pagkatawa agi og panimalos sa iyang gibuhat. (Kataposan)
- Latest
