Maria Magdalena Gula 103

Gabii nang mipauli si Walter gikan sa among pinuy-anan.

Dihang nakabiya na si Walter, amo dayong gihipos ni Daniel ang mga baso ug ang mga plato nga ilang gigamit samtang nag-inom. Dili man gud unta mosugot si Daniel nga mopauli pa si Walter ngadto sa Mandaue kay gabii na ug nakainom pa gyud kini. Apan mipakisi gayod si Walter nga mopauli kay makahimo pa man kuno siya sa pagmaneho sa kaugalingon niyang sakyanan.

Human mahipos ang tanan nga angay hiposon, nanulod na kami si Daniel sa among kuwarto. Siya’y unang mihigda. Misunod sab dayon ko paghigda sa iyang tupad. Migakos siya nako ug ang iyang ngabil giumod sa akong dalunggan.

Gikapoy ka ba, loves?” Maguwang sa hagawhaw ang tingog ni Daniel.

“Medyo,” nako pa. “Ngano man diay?’

“Aw, wa man,” niya pa. “Gusto man gud unta ko nga...”

“Unsa man, loves?”

Ang iyang tudlo iyang gitusloktuslok sa akong bukton. Nakasabot dayon ko kun unsay kahulogan niadtong maong senyas. Gusto siya og sexual intercourse.

“Wa diay ka kapoya?” Gisumbalik ko siya’g pangutana.

“Wa man, kondisyon hinuon ko kaayo karon.”

“Aw, arangkada diha.”

Mao kadto nga milihok dayon si Daniel. Gihagkan ko niya sa ngabil samtang nagpadayon siya sa pagpanangtang sa mga salimbong sa akong lawas. -- Sumpayan pa