Nursing Student - Gula 4

Gihunghongan ni Beverly si Leo nga dili na siya gusto nga dugangan pa ang iyang nainum kay nakabatyag siya nga namuypoy ang iyang kaunoran. Apan naagni gayud si Beverly sa iyang mga barkada.

Nagtupad sila si Leo ug Beverly sa paglingkud mao nga sayon ra alang sa dalaga ang pagtug-an sa ulitawo sa iyang gipamatyag. “Last na lang ning ikatulo nga botelya Bebz. Dili pa kini makapahubog nimo uy,” matud ni Luz nga mora’g anad na kaayo nga moinum og beer.

Igo gayud nga nahurot ni Beverly ang ikatulo nga botelya hubog na ang dalaga. Nagkayungit na ang iyang sinultihan ug mora’g lihokan na kaayo sa iyang mga panglihok-lihok. “Hubog na gyud ko mga friends,” ni Beverly pa.

“Walay problema Bebz kay may kauban ka bitaw nga makamaneho sa imong sakyanan,” matud ni Gerald nga classmate gihapon ni Beverly. Nananghid si Beverly sa iyang mga friends nga mopauli na.

Gisagakay ni Leo si Beverly paingon sa kotse. Si Leo gihapon maoy nag-drive sa sakyanan. “Yuna, asa ba dapit ang inyong balay Bebz?” matud ni Leo dihang misugod na sila pagbiya sa Talisay City balik sa dakbayan sa Sugbo.

“Salinas Drive sa Lahug paingon sa Camp Lapulapu,” yungit ang sinultihan ni Beverly. “Abi nimo Leo, nagduda ang akong mga classmate nga uyab kuno ka nako. Sikit ka man ‘sab gud nga mitupad nako ganina,” dugang pamahayag sa dalaga.

Unya kalit lang nga nalum-oy si Beverly tungod sa grabeng kahubog, napaakbo kini sa tuo nga abaga ni Leo. Naglisud na sa pagmaneho sa sakyanan si Leo mao nga napugos siya sa pagpahunong sa kotse daplin sa karsada.

Gipairag og gamay ni Leo ang sandiganan sa lingkoranan ni Beverly aron kini makapahuway. Apan milihok si Beverly ug mikabyon kini sa liog ni Leo. Klaro kaayo nga wala sa maayong panimuot ang dalaga.

Misantop unta sa huna-huna ni Leo nga pahimuslan niya ang higayon samtang hubog si Beverly. Apan nahuna-huna usab niya nga kun iya kining himuon mahanaw ang dakung pagsalig sa dalaga ngadto kaniya.

“Leo, Leeeo,” nagpanawag sa ngalan ni Leo si Beverly apan nagpiyong ang mga mata. Kahagkunon na kaayo si Leo sa daw nag-umog nga mga ngabil ni Beverly apan mipasuwabi kaniya ang kabalaka.

Miagulo si Beverly. Milihok ang mga kamot niini ug gihapuhap ang bukton sa ulitawo. Ang gihimo sa dalaga ngadto kang Leo anam-anam nga nakasugnib og kainit sa ulitawo. Gibitad ni Beverly si Leo samtang nag-irag siya sa sandiganan.

Wala na gayud makapugong pa si Leo. Gihagkan niya ang tam-is kaayo nga mga ngabil ni Beverly. - Sumpayan