Magpagwapa Ta

Dili sayon dunganon  ang trabaho ug pamilya kay pulos demanding ning duha.  Pero dunay mga paagi aron makab-ot ang ideal work-life balance nga dili ka malosyang sa sobrang stress.  Diay suhestiyon gikan sa mga eksperto kung unsaon nga ma-divide ang atensyon sa trabaho ug pamilya.

1. Imbes makonsensiya kay makuhaan ang oras para sa pamilya, hunahunaon ang mga benepisyong makuha gikan sa panrabaho. Makatabang ni nga makahatag og komportableng kinabuhi sa imong pamilya.

2. Kung magkuha og yaya, pangayo’g tabang sa mga sinaligang amiga ug paryente.  Pag-arrange og play date para sa mga aplikante aron  makita nimo  kung unsa siya mo-interact sa bata.

3. Kinahanglang organized ka sa gabie pa lang. Andamon  kung unsay i-serve sa pamahaw, iyang isul-ob, iyang mga butang dad-onon kung gatungha na ni.

4. Hunahunaa ang prayoridad sa pamilya. Maghimo og kalendaryo nga markahan kanus-a due ang mga bills, lista sa mga aktibidades sa eskwelahan ug pamilya, birthdays ug uban pa. Maglahi og kinse minutos matag Domingo aron i-review ug ihan-ay ang eskedyul sa umaabot nga semana.

5. Magpabiling connected sa mga anak bisan lagyo mo. Pagbitay og litrato nimo ug sa iyang daddy sa inyong panimalay aron makita kanunay sa mga bata. Kung break sa trabaho, tawga ang imong anak aron kumustahon.

6. Mag-set og limit kung mo-check sa email o kung dunay panawgon.  Pwede sad ning buhaton kung nato’g ang mga bata.

7. Sa trabahoan, di mag-usik sa panahon pinaagi sa pag-surf sa internet, Facebook, tsismis ug dugay mahuman nga paniudto. Focus sa tabaho atol sa working hours, pakigchika sa officemates ig break or lunch time.