Unang gugma

“Tinood gyud diay nang panultion no? Nga first love never dies?” ni Lina ngadto ni Berto nga buta na, inutil na, paralisado ug nagsakay na og lingkuranan nga may ligid. Si Berto ang unang hinigugma ni Lina. Duna gani sila’y usa ka anak babaye, handumanan sa ilang gugma. Napaangkan lang si Lina ni Berto. Ug ang ilang anak nga si Lily minyo na. Duna na sila’y duha ka apo.

“Tinood kaayo, Lin. Kay bisa’g wa ta magkadayon, naminyo ko og lain, nanganak ug nangapo na sab,  matag karon ug unya, maghunahuna gihapon ko nimo” ni Berto sa tuno nga matinud-anon. Nagpahiyom og gamay. Kasamtangan siyang gimasahean ni Lina, kay siya ang gisweldohan sa mga igsoon ni Berto nga moatiman ni Berto sa iyang kahimtang karon.

Adunahan si Berto. Dakong negosyante. Mga propesyonal na iyang mga anak. Duna na siya’y doctor, enhinyero, abogado, CPA ug arketekto nga mga anak. Apan dihang nainutil na si Berto tungod sa iyang sakit nga dayabitis nga nikomplikar sa iyang kidney, baga ug kasingkasing, gisalikway siya’s iyang pamilya. Iyang kapikas mismo, nga si Clara, nimando nga ipaatiman siya’s iyang mga igsoon mga adunahan kay nabiyuda og mga foreigner. Gikalooy si Berto sa iyang mga manghod nga sila si Betty ug Daisy, nga mga biyuda ug Amerikano nga way anak. Si Lina ilang gikuha nga moatiman ni Berto.

Nalipay si Lina nga moatiman sa iyang kanhi hinigugma. Kay bisan og gipaangkan siya, wa siya nagbaton og pagdumot ni Berto. Kay siya man gyud  ang nihagad nga gusto siyang magpaliwat ni Berto. Bisa’g dili pangasaw-on. Hilig sab gyud og guwapo si Lina. Gani puro guwapo ang nakapaliwat niya. Human siya nakaanak ni Lily, nakanaak sab siya ni Cristy, anak ni Saul usa ka seaman. Karon, duna siya’y kapuyo nga si Marcial. Duha ilang anak, puro lalaki nga sila si Bugsy ug Bobby. Negosyante si Marcial. Sige’g biyahe-biyahe. Maong makalugar siya sa pag-atiman ni Berto nga way kasayuran iyang kapuyo.

“Ang ako lang gimahayan nimo Bert, nga bisan sa imong ka-milyonaryo nga pagka-negosyante, wa gyud ka kahatag og suporta ni Lily” ni Lina.

“Unsay wa god?” Pagsugod niya’g eskuyla sa elementarya hangtud nakahuman siya’g kurso, naghatag ko’g singko mil ang bulan” ni Berto.

Nia sila maghinabi karong sayong kahaponon sa terasa sa balay ni Betty. “Tinood ka? Unsa god diay?’’ ni Lina.

“Si Betty akong gipahatag. Sekreto lang. Ngadto direkta sa bata,” ni Berto. “Mao diay mag-arian si Lily dinhi. Pasayloa lang ko ha. Wa gyud koy kalibutan” ni Lina. “Puwerte diay’ng dawoa akong anak. Karon, haruhay siya kaayo kay nakabana og seaman nga overseas, wa gyud maghisgut nga suportado diay siya’s iyang amahan” tuaw ni Lina sa hilom.

“Way kaso, Lin. Karon, dako gyud kaayo akong pagmahay nga dili ikaw akong gipangasawa. Tingale kun ikaw pay akong asawa, malipayon unta kaayo ko. Kay malooy ka ma’s imong bana. Dili parehas akong asawa’g mga anak, nga kay wa na man koy ikatabang nila, itsapuwera lang ko” ni Berto nga daw nagtan-aw sa halayong dapit, bisa’g wa nay panan-aw. Laghaw iyang tingog. Nanglugmaw iyang mga luha.

“Ay na lang og kaguol Bert. Total nasuta man gyud nato nga first love never dies” ni Lina. Gihinay og hapuhap ang dughan, abaga ug bukobuko ni Berto. Nigakos si Berto ni Lina.

“Ay’g kabalaka, Lin. Duna pa koy hiniposan nga kuwarta sa banko. Ug hatagan ta ka’g kopya sa akong Testamento, nga nag-ingon nga makadawat lang adto, ang tawo nga nag-atiman nako sa akong kataposang sakit” ni Berto. Nitulo ang luha ni Lina sa kalipay. Nihingoshingos siya.

“Karon dayon, tawagon nako ang akong abogado. Way kasayuran akong pamilya ini. Ihatag na daan nako ang imong ngan sa akong abogado” ni Berto. Nakagakos si Lina sa iyang unang gugma nga way kamatayon. (Kataposan)

ni Lina ngadto ni Berto nga buta na, inutil na, paralisado ug nagsakay na og lingkuranan nga may ligid. Si Berto ang unang hinigugma ni Lina. Duna gani sila’y usa ka anak babaye, handumanan sa ilang gugma. Napaangkan lang si Lina ni Berto. Ug ang ilang anak nga si Lily minyo na. Duna na sila’y duha ka apo.

“Tinood kaayo, Lin. Kay bisa’g wa ta magkadayon, naminyo ko og lain, nanganak ug nangapo na sab,  matag karon ug unya, maghunahuna gihapon ko nimo” ni Berto sa tuno nga matinud-anon. Nagpahiyom og gamay. Kasamtangan siyang gimasahean ni Lina, kay siya ang gisweldohan sa mga igsoon ni Berto nga moatiman ni Berto sa iyang kahimtang karon.

Adunahan si Berto. Dakong negosyante. Mga propesyonal na iyang mga anak. Duna na siya’y doctor, enhinyero, abogado, CPA ug arketekto nga mga anak. Apan dihang nainutil na si Berto tungod sa iyang sakit nga dayabitis nga nikomplikar sa iyang kidney, baga ug kasingkasing, gisalikway siya’s iyang pamilya. Iyang kapikas mismo, nga si Clara, nimando nga ipaatiman siya’s iyang mga igsoon mga adunahan kay nabiyuda og mga foreigner. Gikalooy si Berto sa iyang mga manghod nga sila si Betty ug Daisy, nga mga biyuda ug Amerikano nga way anak. Si Lina ilang gikuha nga moatiman ni Berto.

Nalipay si Lina nga moatiman sa iyang kanhi hinigugma. Kay bisan og gipaangkan siya, wa siya nagbaton og pagdumot ni Berto. Kay siya man gyud  ang nihagad nga gusto siyang magpaliwat ni Berto. Bisa’g dili pangasaw-on. Hilig sab gyud og guwapo si Lina. Gani puro guwapo ang nakapaliwat niya. Human siya nakaanak ni Lily, nakanaak sab siya ni Cristy, anak ni Saul usa ka seaman. Karon, duna siya’y kapuyo nga si Marcial. Duha ilang anak, puro lalaki nga sila si Bugsy ug Bobby. Negosyante si Marcial. Sige’g biyahe-biyahe. Maong makalugar siya sa pag-atiman ni Berto nga way kasayuran iyang kapuyo.

“Ang ako lang gimahayan nimo Bert, nga bisan sa imong ka-milyonaryo nga pagka-negosyante, wa gyud ka kahatag og suporta ni Lily” ni Lina.

“Unsay wa god?” Pagsugod niya’g eskuyla sa elementarya hangtud nakahuman siya’g kurso, naghatag ko’g singko mil ang bulan” ni Berto.

Nia sila maghinabi karong sayong kahaponon sa terasa sa balay ni Betty. “Tinood ka? Unsa god diay?’’ ni Lina.

“Si Betty akong gipahatag. Sekreto lang. Ngadto direkta sa bata,” ni Berto. “Mao diay mag-arian si Lily dinhi. Pasayloa lang ko ha. Wa gyud koy kalibutan” ni Lina. “Puwerte diay’ng dawoa akong anak. Karon, haruhay siya kaayo kay nakabana og seaman nga overseas, wa gyud maghisgut nga suportado diay siya’s iyang amahan” tuaw ni Lina sa hilom.

“Way kaso, Lin. Karon, dako gyud kaayo akong pagmahay nga dili ikaw akong gipangasawa. Tingale kun ikaw pay akong asawa, malipayon unta kaayo ko. Kay malooy ka ma’s imong bana. Dili parehas akong asawa’g mga anak, nga kay wa na man koy ikatabang nila, itsapuwera lang ko” ni Berto nga daw nagtan-aw sa halayong dapit, bisa’g wa nay panan-aw. Laghaw iyang tingog. Nanglugmaw iyang mga luha.

“Ay na lang og kaguol Bert. Total nasuta man gyud nato nga first love never dies” ni Lina. Gihinay og hapuhap ang dughan, abaga ug bukobuko ni Berto. Nigakos si Berto ni Lina.

“Ay’g kabalaka, Lin. Duna pa koy hiniposan nga kuwarta sa banko. Ug hatagan ta ka’g kopya sa akong Testamento, nga nag-ingon nga makadawat lang adto, ang tawo nga nag-atiman nako sa akong kataposang sakit” ni Berto. Nitulo ang luha ni Lina sa kalipay. Nihingoshingos siya.

“Karon dayon, tawagon nako ang akong abogado. Way kasayuran akong pamilya ini. Ihatag na daan nako ang imong ngan sa akong abogado” ni Berto. Nakagakos si Lina sa iyang unang gugma nga way kamatayon. (Kataposan)