Maria Magdalena - Gula 72
Miadto ko sa CR nga diha ra usab sa sulod sa cottage. Naghinay ko sa akong mga lihok aron dili matugaw si Emilio nga nahinanok pag-ayo.
Mibalik ko’g higda sa dihang nakapahungaw na ko sa akong gibati sulod sa CR. Apan wala na ako balika’g duaw sa katulogon. Naibog kong nagtan-aw ni Emilio nga naghagok. Samtang ako, bisan giunsa nako’g piyong ang akong mga mata, dili na gayod ako makatulog pagbalik. Maong nakahunahuna ko nga mobangon aron mogawas sa cottage ug mohanggap og lab-as nga hangin sa dagat. Gibiyaan ko lang si Emilio nga naghagok ug nahinanok pag-ayo, kaha gikapoy sa lima namo ka lovemaking session.
Paggawas nako sa cottage, mipaingon ko sa usa ka lingkoranan nga nahimutang ilawom sa punoan sa kahoy. Hayag ang palibot sa daghang mga suga. Milingkod ko ug milantaw sa lawod. Nalingaw ko pagkakita sa daghang suga sa mga sakayan sa mga mananagat nga nagpautaw-utaw didto sa lawod. Malinawon ang panahon. Gani panagsa ra mang mokiay ang mga daghon sa mga kahoy diha sa akong tungod nga usahay tandogon sa hinay nga huyohoy sa hangin.
“Hi...â€
Nahalingi ko pagkadungog sa tingog sa akong luyo. Maoy misugat sa akong panan-aw ang panagway ug bayhon sa usa ka lalaki.
Nagtingsi ang lalaki nga miduol kanako. Mora bag nahinangop siya nga nagkakita kami didtong dapita sa usa ka beach resort sa Moalboal, Cebu. -- Sumpayan pa
- Latest
