Bilyako si Noy Masoy
Ang tilaw maoy pulong nga nagpasabot ug pagsuta. Kun ikaw makauyon, imong panagway maya, tukmang templa ug kalami imong nakuha. May tilaw nga pasubraan, tinago-tago dili mahibaw-an. Adunay mahiligon motilaw apan dili gayud makatiwas, gininhawa mag-abot, kanunay’ng gikutasan.
“Noy, kadugay gud nimo. Ganina pa man gud ka dihang nagtilaw. Sige na,†ni Inday pa nga hapit na mahutdi og pailob.
“Paabot lang day ha. Mora man gud og lahi templa. Dili man ni mao ang akong naandan,†ni Noy Masoy nga nagpabiling nagtimi-timi.
“Ah, ako na lang nang tabonan bi. Alkansehon man ko nimo,†dala tabon sa gitilawan.
“Ayaw kabalaka day. Sakto kaayo. May sabaw. Balhiboon pa. Uhmm, tsaraap,†sa kaaposan natagamtaman ra gayud ni Noy Masoy ang lami nga gipangita.
“Sus baya. Sa kadugay’ng tilaw, sa kinilaw’ng litob lang gihapon paingon. Hala sibog na kay pustan tika,†ni Inday pa nga nagputos sa kinaham ni Noy Masoy bilyako. Kinilaw’ng bungoton. (Kataposan)
- Latest
