Panatiko sa katarong
Mensahero si Danny sa Nadir Industries usa ka land developer. Gisugo siya sa iyang labaw sa pagpangunsulta og abogado mahitungod sa mga papeles nga gikinahanglan para makalukat og building permit. Dunay tukorong edipisyo ang iyang amo. Nakahunahuna siya sa pagbisita sa iyang idolo nga abogado. Magsusulat sa local tabloid si Atty. Hector Indig ug dunay sinemanang lindog sa maong mantalaan.
“Maayong buntag, sir! Ikaw si Atty. Indig?†ni Danny sa paghawong niya sa pultahan sa bupete nga naa kilid sa dakong bodega. Naghukas lang ang hamtong tawo nga nagmakinilya sa computer. Dili aircon ang maong opisina. Ug gipaningot na ang nag-inusarang tawo sa opisina.
“O, ako†sa abogado nga nitan-aw sa bisita.
“Pasensiya ka na nga dili aircon akong opisina. Dayon. Lingkod†dugang sa abogado nga nisinyas ngadto sa iyang luyo diin naa iyang lamesa nga may duha ka lingkuranang nadikit.
“Nakita na gyud nako sa linawas akong idolo nga magsusulat†ni Danny. Nagpahiyom.
“Tigbasa diay ka’s akong lindog?†sa abogado. Nakapahiyom sab.
“O, attorney. Kay daghan kaayo ko’g makat-onan sa imong mga sugilanon†ni Danny. Nilingkod sa usa ka lingkuranan dikit sa tuong tumoy sa lamesa.
“Unsa man diay ang ato?’ sa abogado. Nitindog ug nilakang ngadto sa iyang lamesa. Nilingkod atbang ni Danny.â€
Ako si Danilo Majit Banog. Imong magdadayeg. Mangayo unta ko’g checklist sa requirements sa paglukat og building permit†ni Danny.
“Ah, kana ra diay†sa abogado. Nitindog. Nilipot ngadto’s atubangan sa iyang lamesa. Nibira og hunos. Nikuha’g papel. Gitunol ang papel ngadtong Danny. Gidawat niya.
“Pila’y akong bayranan nga consultation fee?†ni Danny.
“Wala. Libre na†sa abogado. “Ngano man, attorney?†ni Danny. Natingala.
“Tungod kay dako ko’g pagtahod ug respeto sa imong ngalan. Gaan akong buot sa tawong may ngalan Dan, Daniel o Danilo†sa abogado.
“Mao ba?†ni Danny. Nisamot kahibulong. “Ang imong ngalan variation na sa ngalan Dan o Daniel. Sa Bibliya, ang pulong Dan sa Hebrew, may kahulogan nga hustisya o hukom gikan sa Diyos. Busa, ikaw, tungod sa imong ngalan, usa ka buotan nga tawo. Pilosopo kay mangita gyud sa tinood ug husto†sa abogado.
Nisiga ang mga mata ni Danny. Natag-anan sa abogado iyang kinaiya. Ug nakita niya nga sa ibabaw sa lamesa sa abogado, dapit sa walang eskina, napatong ang dako nga Bibliya. Bible reader diay si attorney. Nisamot iyang pagdayeg sa abogado.
“Salamat, attorney. Dili kay karon lang ni atong panagkita. Sugod pa lang ni†ni Danny. “Way sapayan, Dan. Puwede tika tawgong Danny?†sa abogado.
“Ikaw ang magbuot unsay iangga nako. Ok ra ko†ni Danny. Karon pa siya masayod nga ang ngalan sa tawo dunay dakong kalabutan sa iyang kinaiya. Duna gyu’y misteryosong gahum nga nagtukmod sa iyang mga ginikanan nga nganlan siya’g Danilo. Kay bisa’g igo ra siyang nakatapos og hayskul, gusto pang madunganan iyang kaalam.Ug panatiko siya sa katarong. Aron matudloan sab niya sa katarong iyang mga anak. Karon pa siya masayod sa kahulogan sa iyang ngalan. Mapasalamaton siya’s iyang mga ginikanan. Ug nasayran na niya ang iyang misyon dinhi sa kalibutan.
Sa dihang tua na’s gawas si Danny, nakahukom siyang himoong retainer si Atty. Indig sa ilang kompanya. Kay mutoo man niya ilang manedyer nga ig-agaw niya. (Katapusan)
- Latest
