Ang tawo nga salvador del mundo

Nakita ni Carwina nga nagmatinud-anon gyud si Rowy sa iyang mga pulong ngadto kaniya nga maoy buotang mangamahan sa 3 niya ka mga anak nga bunga sa iyang pagka-rape victim. Mahal kaayo niini ang iyang mga anak nga nanagpanuigo’g 3, 2 ug 1.

Maoy mopakaligo, mopakaon, moilis ug mopakatug. Kung muhilak kugoson dayon, kantahan ug itabyog sa duyan.  Sud sa usa ka tuig, 2 ka buwan, 3 ka adlaw ug 4 ka oras nilang panagpuyo wa gyud siya kakita o kadungog nga gisapot kini sa mga bata ug kaniya. Bisag kanunay kini niyang balibaran kung muhangyo nga mopatong panahon sa panagdulog nila sa kagabhion. Di gyud maputong. Nagpabiling mapinanggaon ug masabuton. Dakong pasalamat niya sa Ginoo, nga gitagaan siya’g usa ka tawo nga salvador del mundo, nga buotan kaayo.

Dugay nang nanguyab niya si Rowy, 4th yr. high school pa lang kini ug siya grade VI. Iya na kining gibasted. Ug bisa’g  namabdos siya huma’g graduate sa high school kay gilugos. Wa gihapon kini niya sugta kay mora lagi’g Fredric F. Gelbolingo, ang hitsura. Hangtud nga mimabdos na pud siya sunod tuig tungod sa lugos lang gihapon. Wa gihapon niya dawata ang gugma nga gihalad ni Rowy. Hangtud sa sunod tuig namabdos na pud siya sa ikatulong higayon tungod sa lugos gihapon sa wala hiilhing lalaki.

Nakapamalandong siya  nga gaba na tingali ning iyang nahiaguman tungod sa sigeng pagpaantos niya sa gugma ni Rowy, nga wa gyuy paglubad. Si Rowy ray nagbaton ning klaseha sa gugma. Busa iya na lang kining gisugot.

Tungod sa maayong pagkabana ni Rowy, diha kaniya ug sa maayong pagka-amahan ni Rowy, ngadto sa iyang mga anak. Nagtubo usab ang iyang gugma ni Rowy, matag adlaw. Ug nahimo na kining 100% pag-abot nilang napu ka tuig nga panag-ipon. “Daghang salamat sa imong gugma Rowy. Bisa’g biktima ko sa lugos sa makatulo ka higayon. Wala gyu’y paglubad ang imong gugma diri nako. Gikasilagan ko kadtong tulo ka tawo nga milugos nako,” ni Carwina.

“Hangtud ba karon, gikasilagan gihapon nimo sila, Mahal ko?” ni Rowy.

“O, mahal ko. Kay wa pa ko kabawos!” ni Carwina nga naghayang sa kama ning gabhiona. “Gisap-ongan akong ilong og panyo nga naay pampakatug.”

“Bisag imong mahibaw-an nga silang tulo ... Mao ako?” ni Rowy nga nagpatong ni Carwina.

“Unsa!” ni Carwina, ug kalit gi-judo si Rowy ug nahayang.

“Ikaw diay naglugos nako sa makatulo ka higayon, hha! Makabawos na gyud ko nimo, ron. Um!” ni Carwina nga mipatong ni Rowy....

“Agay! Agay! paspasa, uy!” ni Rowy nga misulirap ang mata. (Kataposan)