Nasakpan si Torio mapaubsanon
Ang pagpaubos maoy padayag sa pagkamapaubsanon, kaatbang kini sa pagkamapahitas-on, lulot nga mata ug panagway’ng daw magluya ang sagad makita nga mag-inusara. “Torio, abi ko’g asa ka nahimutang, dia ka ra man diay dinhi sa asotiya. Halos kada buntag na man gud ka dinhi. Mora’g naghapahapa man gud ka?†sukna ni Bosyang nga pinaiknat ang kilay ngadto sa iyang bana.
“Ay dah, nagpaugnat ra ko sa akong kusog. Bisan og padulong na ko sa kan-uman nga panuigon baskog pa intawon kaayo ko,†kalma nga tubag ni Torio.
“Pero kadaghan bang mga panapton nga gipanghayhay dinhi sa barandilyas kilid sa atong asotiya,†dala kahibulong nga pamulong ni Bosyang. “Uy, may nanglaba man diay sa may atabay dili layo sa atong panimalay.
Si Nida Gabuka ang bag-ong biyuda man diay na nga nagyaka og bangkito paatubang sa akong nahimutangan. Maayo kaayo’ng pagkabantang. Pagtarong Torio gaunsa ka?†naalsa na ang tingog ni Bosyang. “Nagpush-up ra ko Day. Unya wala man koy ikapalit og tablitas pabaskog aron ikasugakod sa makutas nako’ng pasingot, sa tumang pagpaubos akong gibawi ang tanan.
Walay gasto Day. Libre’ng bitamina sa mata ang akong gipaatbangan,†nakalitan si Torio’ng nakatubag. “Unswaaa? Hala ayaw pagbiya diha kay bakoson tika.†Nagminti sa kasuko si Bosyang.
“Day Bosyang, sige mobarog nako,†dali’ng mibarog si Torio palayo.
“Paita, nasakpan ko ni Day Bosyang.†(Kataposan)
- Latest
