Hubad sa damgo

Maayong adlaw prof Swami,

Na intriga kog gamay sa akong damgo, unsa kahay buot pasabot adto? Karon lang bag-o nga nagdamgo ko ba nga sa pagkanta sa Our Father ang pikas kamot man sa pari ang akong gigunitan? Ug feel gyud nako mura gyud og tinood ..im 43 y.old single working outside country... daghan salamat! — Rzelg

Rzelg,

Kung sa pag gunit nimo sa kamot sa pari, imong gibati ang kalipay tungod kay murag gihikap ka sa Ginoo, nagpasabot nga gihapuhap ang imong kasingkasing aron dili ka masugamak sa suliran nga imong gisagubang karon. Pasabot nga mura kag gipikpik sa buko-buko aron makapagawas ka sa imong sakit nga gibati.

Pero kung sa paghikap nimo sa pari gibati kag kahilas, pasabot nga bisan pa man sa imong pag sige og ampo, daghan lang gihapon ang mga tentasyon nga moagi sa imong kinabuhi. Ayaw paghunong sa pag-ampo. Timan-i nga si “taning” mura ra na siya og iro’ng buang nga hiniktan nga dili makakab-ot nimo, gawas lang kung magpaduol ka. Ang pagsige og ampo ray makapalikay nimo sa usa ka irong buang nga magsigi og paghut. Amping! — Prof. Tata Swami

P.S. Katong gusto magpada og SUWAT, ipadala lang ani nga address: Hubad Sa Damgo, Banat News Cor D. Jakosalem and V. Gullas Sts. Barangay Sto. Niño 6000 Cebu City, Philippines

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].