Dali mobuto

Dear Tita Salie,

Maayong adlaw ug komusta? Nagsunod gyod ko sa imong column. Makalingaw man god siya ug nindot kaayo nga basa-basahon malingaw ko. Gawas nga makalingaw daghan pa gyod kaayo ang akong makat-onan nga pagtulon-an sa kinabuhi.

Tagoa lang ko sa pangalan nga Mr. J, 28 years of age ug usa ka minyo. Pasenya lang, Tita, nga dili nako ikasulti ang matuod kong pangalan tungod kay maulaw ko sa akong kaugalingon ug maulaw pod sa akong problema.

Mahitungod sa akong kaugalingon ang akong problema, Tita. Maglagot man god nako ang akong misis kay kun magkontak mi dali ra man kaayong mobuto ang akong pusil wala pa gani matungatunga ang kombati nibuto na ang akoa. Unya kun makabuto na wala nay silbi. Dili na magamit mora og disposable, dugay pa kaayo mobalik og sukol. Tungod niini  kanunay nga maglagot ang akong misis nako. Ug matud niya kun wala koy buhaton niining akong problema iya kuno kong biyaan ug mangita siya og lain kay dili man siya matagbaw.

Dili ko gusto nga magbulag mi, Tita. Unsa may akong buhaton? Palihog, pasabta ug tabangi ko. Daghang salamat sa pagtagad. God bless.

* * *

Mr. J.,

 Dili pud seguro ingon niana ka mabaw ang imong misis nga tungod kay dili siya matagbaw sa sex diha kanimo iya kang biyaan. Alang kanako mabaw kaayo ang hinungdan kun iya kang bulagan. Tingali kun iya ka lang gibinuangan pagsulti.

Pero paningkamoti usab nga imong ma-improve ang imong performance sa sex aron usab dili kanunay mabitin si misis. Paningkamoti nga sa imong pamaagi mong ma-satisfied ang imong mahal diha sa inyong sexual life. Ang imong buhaton mao ang pag-master sa imong kaugalingon kinahanglan nga duna kay mga strategy o teknik nga gamiton aron bisan dali ra kaayong mobuto ang imong pusil, matagbaw gihapon si misis.

Sulayi nga imong i-prolong o imong dugayon ang inyong foreplay. Ang babaye kadaghan sila magul-an “multiple orgasm”, samtang ang lalaki kausa ra. Inigbuto sa lalaki, mopahulay sa una usa pa nimo puydeng pabuthon pag-usab.

Busa, sa dili pa nimo siya pusilon, o pabuthon, imo una siyang tadtaron, hiwahiwaon, imo siyang gamitan og pinabitin nga istelo sa pagkaon “lawayan” hangtod nga matagbaw na siya sa foreplay pa lang, kun matagbaw na siya gamay na lang kini og kulang, usa pa nimo siya pabuthan.

Since minyo na man mo puyde nimong kanunayon ang sex aron dili ka permi mabag-ohan kay mao usab kini ang usa sa mga hinungdan nganong dali ra magawsan. -- Tita Salie