HUBAD SA DAMGO

Dear prof. Tata Swami,

Akong damgo kay naa ko sa basakan nga naay daghang kangkong. Niingon kuno ko nga limpyohan nako ang mga tangkong pero nagdumili ko kay daghan og alimatok! Taodtaod, nakita nako akong anak lalaki nga OFW nga nihilak og maayo. Nagpuwa na gud iyang mata. Akong gipangutana nganong nihilak siya. Mao kunong nihilak siya kay nakapasar siya sa exam nila. Pagkahuman ako siyang giagbayan ug nanglakaw nami. Nakamata na dayon ko. Salamat sa imong hubad.

--Nang Lin

* * *

Nang Lin,

Kini imong damgo dili man maayo pero ayaw lang pud kawagtang og paglaum nga ma ok ra ang tanan. Kini man gud imong damgo nagpasabot nga ang imong anak duolon kaayo og sakit. Kinahanglan nga mag-amping gyud siya kanunay. Kay kini ra bang sakit moabot sa panahon nga successful siya o’ makab-ot na niya ang iyang mga pangandoy. Siya o’ membro sa pamilya. Dako kaayo ka og impact sa kinabuhi sa imong anak, busa pag-amping gyud pud sa imong lawas aron dili siya mahugno kung magkasakit ka. –Prof. Tata Swami

P.S. Katong gusto magpada og SUWAT, ipadala lang ani nga address: Hubad Sa Damgo Banat News Cor D. Jakosalem and V. Gullas Sts. Barangay Sto. Niño 6000 Cebu City, Philippines

* **

Atangi ang Hubad sa Damgo matag Miyerkules ug Sabado dinhi lamang sa Banat News. Alang sa inyong pangutana kabahin sa kahulogan sa inyong damgo, ipadala kana ni Tata pinaagi sa: [email protected].