Saag nga text message - Gula 4

Sa tanto nga pagpislit-pislit ni Claire sa paa ni Efren, wala tingali tuyoa sa babaye nga natandog sa iyang kamot ang nagsugod na pagbarug nga Junior ni Efren.

“Ay sori kaayo ha, wala nako tuyoa, walay malisya ang ako,” matud ni Claire nga mipadayon sa pagmasahe sa paa paingon sa bitiis ni Efren. Daw nagsugnib og kainit sa lawas ni Efren ang pagkatandog sa dilikado nga parte sa iyang lawas.

Gipiyong ni Efren ang iyang mga mata ug buot siya nga matulog sa pamasin nga makatulog usab ang iyang Junior. “Katulgon ka Fren? Sigi katulog lang,” giingnan siya ni Claire nga mipahog og panghaplas sa iyang paa.

Kalalim pamation sa kamot ni Claire nga midaitol sa kilid sa paa ni Efren. Wala makapugong si Efren sa pagkitoy-kitoy sa mga tudlo sa iyang tiil. Nakabantay diay niini si Claire. “Gigilokan ka Fren no?” ni Claire pa.

“Kinsa may dili gilokan nga paa na gud na ang imong gipislit-pislit. Giingnan ta bitaw ka nga wala pa g’yud ko makapamasahe og babaye ug gikuyawan ko basin og dili ko makapugong,” giingnan ni Efren si Claire.

Gitutokan ni Efren si Claire. Makabibihag g’yud tinuod ang iyang panagway. Maayo kaayo ang porma sa iyang lawas ug sa laktud dili gani mahibaw-an nga mag sideline ba diay pagka masahesta si Claire.

“Gamay ra man gud ang among porsiyento sa pagpamaligya og kagamitan sa balay Fren mao nga nakahuna-huna ko nga mo-sideline lang sa pagmasahe,” pasabot ni Claire dihang gipangutana ni Efren nganong nagmasahesta siya.

Gisaysayan siya ni Claire nga una pa kini nga higayon nga misugot siya nga sulod sa pension house siya magmasahe og lalaki. “Mahimong dili tingali ka motoo Fren, apan kini pa ang unang higayon nga miuban ko’g lalaki sa pension house,” ni Claire pa. Katoohon-dili si Efren sa gisulti ni Claire kaniya. “Unsay rason nga ikaw pa man gani ang mitanyag nga anhi lang ta sa pension house magmasahe?” gipangutana ni Efren ang dalaga.

Nakalitan si Efren kay mitubod ang mga luha sa mga mata ni Claire. “Ang tinuod Fren, nasayud ko nga risgo kaayo sa akong pagka babaye ang akong gihimo apan wala ko’y mahimo kay kinahanglan ko og kwarta nga ipalit sa tambal ni Mama nga taas kaayo ang hilanat. Mao kini nga ako’y mitanyag nimo nga sa pension house na lang ta magmasahe.”

Wala na gayud kapugngi pa ni Claire ang paghilak. Natandog kaayo si Efren nga namati ug nagsud-ong kang Claire. Diha pa niya masayri nga nalum-oy na gani diay si Junior nga kaganina mibarug na unta. - Sumpayan