Kahibulungan nga langgam

Nagkalumpayat sa kalipay si Kenken nga nakakita sa langgam nga nibatog sa punuan sa kahoy nga karaang tugas. Ug sa kadakong kahibulongan may nagbinugtong usa ka langgam nga ang balahibo niini tagsa ra igkita. Mao nga nakahunahuna siya sa pagkuha og “cellphone with camera” aron iyang kuhaan og hulagway.

Sa tanto niyang pagkuha og hulagway sa mga langgam nahibulong si Kenken kay nakuha niya ang tanan nga hulagway. Apan ang usa ka langgam nga nagbinugtong dili makuha, nagpasabot kini dili ordinaryo ang langgam.

Sa kakulba ni Kenken naay nahunahunaan nga magpaabot sa kahibulungan nga langgam kun kanus-a mangiti aron himoon niyang tangil sa sugal didto sa mga inilang bulangan. Ug nalipay si Kenken kay ang iyang gipaabot natuman ra gayud.

“Karon, nga nakuha nako ang iti sa kahibulungan nga langgam ako kining puston ug akong ihabak”, matud ni Kenken. “Ug dili ko mosaba ni Echong nga akong higala aron ang akong sekreto dili mahibaw-an labi na gayod sa akong pamilya”.

Sa adlaw’ng Domingo nag-uban sila si Kenken ug Echong didto sa inilang bulangan ug hilabihang daghana sa mga tawo nga nagpunsisok tungod kay ang mga manok pulos mga bantugan.

“Ken, asa man ta pusta, sa inilog ug sa biya?”, sukot ni Echong.

“Chong, sa biya ta ari ta pusta sa pula nga manok”, tubag ni Kenken.

Apan sa kalit lang nidaug ang biya nga manok. Nakasabot si Kenken bisan asa pusta modaug gyod kini.

Sa pagpangligid sa mga katuigan, nahimong milyonaryo si Kenken ug nahimong inilang tawo sa kalibutan tungod lang sa iti sa langgam nga kahibulungan.

Usa ka adlaw niana may tigulang lalaki nga nanuktok sa pultahan ni Kenken ug nangayo kini’g pagkaon ug tubig kay gigutom ug giuhaw kini. Apan gibalibaran ni Kenken kay lagi gisamukan og nagkagidlay ang panapot niini hasta usab ang buhok niini nga hilabihang kalkaga.

“Dong, sa imong gibuhat pagabasolan mora kini, ug akong ipahibalo kanimo nga ang langgam nga maoy nakapadatu kanimo ako ang tag-iya niini”, matud sa tigulang lalaki nga kahibulungan.

“Dangtan og duha ka adlaw gikan sa pagsulti sa tigulang lalaki. Kalit lang nangasunog ang iyang mga negosyo. Ug nibalik siya sa pagkapobre. Nagbasol si Kenken sa iyang gibuhat nga dili gyod diay angay nga magpataas sa kaugalingon. Apan sayo sa buntag nibutho ang lalaking tigulang.

“Hala!” gikuptan sa tigulang lalaki ang langgam, karon motuo nako nga siya ang tag-iya sa kahibulongan nga langgam”, saysay ni Kenken nga nagbasol. (Kataposan)