Maria Magdalena Gula 33

“Nganong masuko man ko? Wa koy labot sa imong kagahapon. Ang mahinungdanon mao nga ako’y tag-iya nimo karon. Ug kun makatapos na unya kita sa atong pagtuon, gusto kong magminyo dayon kita.”

Nalipay ko sa gisulti ni Marcos. Gigakos ug gihagkan ko siya. Gusto kong ipabatyag kaniya nga gimahal ko siya sa tinuoray ug gani nahikalimtan ko man ang una kong hinigugma nga si Elizar tungod kaniya.

Sa laing higayon, gisaw-an namo ang pagtagay sa lawasnong kalipay. Natagbaw gyud ako kay hanas kaayo si Marcos nga mohimo’g pagana ngadto sa usa ka babaye.

Human sa duha ka makatagbaw nga lovemaking session, nanggawas na kami sa motel. Nagpatawag lamang kami og taxi sa roomboy. Nagpahatod mi ngadto sa akong boarding house sa dalan Tres de Abril. Dili man halayo ang iyang gipuy-an sa akong giabtan. Walking distance lang.

Wala ko na lang siya pasudla sa boarding house kay lawom nang gabii. Dihang nakabiya na ang taxi nga iyang gisakyan, akong gitrangkahan ang pultahan sa balay. Nagmingaw na ang palibot. Palong na ang mga suga sa mga kuwarto. Nangatulog na tingali ang mga kauban kong boarders. Ang suga sa sala na lang maoy nagsiga. Dili man namo palongon ang maong suga hangtod sa kabuntagon aron dili maglisod kun ugaling dunay motubag sa sugo sa lawas. -- Sumpayan pa