Wala mag-expect

Dear Tita Salie,

Maayong adlaw kanimo and I hope you are feeling well. Tita, I really need your advice karon because I am really depressed sa nahitabo kanako karon sa akong lovelife.

But anyway, sa dili pa ko mopadayon sa focal point niining akong sulat, just call me Chie-chie, 27 years of age and I am still single. Pero duna koy live-in partner, Tita ug 3 years na mi nga nagtipon. Nabuntis ko sa una ug nanganak apan wala’y swerte kay namatay man ang bata dihang natawo kini.

Nilarga ko sa Dubai, Tita, aron mangita og kwarta. Giswerte ko tungod kay nakakuha man dayon ko og kontrata for 8 months.  Dili kaayo dako ang akong sweldo at least medyo dako-dako siya kun atong i-compare sa atong income dinhi sa Pilipinas.

Sa pagkahuman sa akong contract nipauli dayon ko dinhi, Tita, apan wala gyod ko mag-expect nga mao ba diay ang mosugat kanako ang dili maayong balita nga dunay laing babaye ang akong partner, Tita. Nahugno gyod ko sa akong pagkadungog niini. Dunay pamilya ang iyang babaye, Tita, kay usa man kini ka dakong minyo.

Unsa may akong buhaton niini, Tita? Palihog pasabta ko. Thank you very much and more power.

* * *

Good day,

Mao kini ang giingon, Chie, nga dili nimo control ang panghitabo ug dili nimo control ang laing tawo. Bisan pa man kun dako kaayo ang imong  pagsalig sa imong partner but it has nothing to do sa iyang lawasnong panginahanglan. Dili makapugong ang imong pagsalig kaniya kun motukar ang iyang gana. Wala’y mabuhat ang imong pagsalig kun ang imong partner magpadala sa iyang gibati nga init sa lawas, ug wala na siya makapaabot sa imong pagpauli.

Nahigugma siya kanimo apan nagpadala lang gyud siya sa bul-og sa mga pagsulay. Naanod ang iyang kahuyang ug wala niya mapugngi ang iyang kaugalingon.

Pero ayaw kabalaka kun kaya pa nimo siyang pasayluon ug dawaton. Tungod kay since minyo ang babaye, dili gyud puyde nga ilang ipadayon ang ilang relasyon tungod kay duna may pamilya ang babaye. -- Tita Salie