Ang toothbrush ni Bay Animo

Nganong gilabay man nimo ang akong gihatag nga toothbrush, Bay?” nga kanindot adto?” matud ni Bay Animo ngadtong Bay Aniko niya nga nagdaro sa iyang umahan ning sayong kabuntagon sa alas 5:30 ang takna.

Gikan siya nag-jogging ug padung na uli sa iyang bungalo nga nahimutang ibabaw sa bungtod nga iyang napundar isip kapitan sa usa ka passenger ship sa U.S. nga sama kadako sa Titanic, sud sa 5 ka tuig.

Mihunong pod og daro si Bay Aniko niya tungod sa iyang gibarugan. Matataw sa hitsura niini ang bag-ohay pang naglugmaw nga mga singot nga daw yamog sa kadahonan.

Giatubang siya. Gitutokan mula ulo hanggang paa. Patay! naibog man kaha ni nako? nakaingon ang hunahuna ni Bay Animo.

Iya pong gitutokan si Bay Aniko niya. Barot ug gision na kaayo kinig kawo, sinina, karsones ug nagtiniil pa. Naibog diay kuno tingali ni sa iyang gisul-ob nga bag-o ug nindot kaayo nga kawo, t-shirt, pajama ug sapatos.

“Kinit-an man gud kuno tong toothbrush  nimo Bay. Naay nakasulti nako. Sa ato pa, hugaw gyud to, maong akong gilabay,” ni Bay Aniko niya nga milingaw ug miduko kay naglibog siya kung masuko ba siya ni Bay Animo niya kay gitagaan siya’g kinit-an nga toothbrush o mauwaw kay gilabay niya ang pasalubong niini nga toothbrush nga wa mananghid o wa sa magpakisayud niya kung tinuod ba ang maong estorya.

“Kinit-an ko to sa department store sa U.S., uy! ug akong gipalit!” naisa ang tingog ni Bay Animo, niya uban ang pagkatawa.

Nauwaw siya. Di diay maayong motuo dayon sa estorya kay mahimong kini kuwangan. Pangutan-on usa ang hingtungdan aron mahibaw-an ang kamatuoran. Nagkanayon ang hunahuna ni Bay Aniko. (Kataposan)